Bota

Moti i keq në Itali/ Përmbytje në Siçili dhe Catania, dy të zhdukur


Bëhu pjesë e Grupit Zyrtar të Opinion.al
>> KËTU <<
               Publikuar në : 08:57 - 25/10/21 |
Opi Nion

Moti i keq ka shkaktkuar alarmin e kuq në Kalabri dhe Sicili ku një lumë në provincën e Trapanit doli nga shtrati dhe përmbyti zonën.

Disa njerëz, përfshirë disa turistë të huaj, u shpëtuan, ndërsa një çift i moshuar ende nuk gjendet në zonën e Catanias. Dje në orët e vona të mbrëmjes, gjatë një stuhie shumë të fortë, grupi i zjarrfikësve në Trapani dhe ekipi Alcamo shpëtuan 4 burra të cilët u bllokuan papritur nga dalja e lumit që përshkon Banjat termale Segestane në komunën Castellammare.

Pas 2 orësh grupet e ndihmës arritën të shpëtojnë  2 burra me kombësi gjermane, një ekuadorian dhe i katërti italian, të cilët arritën të nxirreshin vetëm pak minuta para se të pushtoheshin nga furia e ujit. Në  gjendje hipotermie, të katër burrat u dërguan për kujdes mjekësor.

Në kryeqytetin e provincës, shirat e dendur shkaktuan dëme të ndryshme dhe përmbytje; kryebashkiaku ka urdhëruar që shkollat ​​të qëndrojnë të mbyllura sot,  e po ashtu edhe parqet dhe varrezat.

Moti i keq veçanërisht në Sicilinë lindore, por edhe në zona të tjera të ishullit, po shkakton shqetësim edhe në trafikun ajror.

Dhjetëra fluturime janë anuluar apo devijuar drejt Catania-s dhe rrjedhimisht edhe drejt Palermos, ndërkohë që vonesat e akumuluara nga shumë fluturime të tjera janë të konsiderueshme./Opinion.al

Pas