Aktualitet

Mot i keq/ Drejtoria Detare: Rritni gadishmërinë e ekuipazhit, merrni masa


Bëhu pjesë e Grupit Zyrtar të Opinion.al
>> KËTU <<
               Publikuar në : 16:19 - 09/02/21 |
Semiljana Azizi

Drejtoria e Përgjithshme Detare ka njoftuar se pritet përkeqësimi i motit duke filluar nga dita e sotme.

Nëpërmjet një njoftimi në rrjetin social “Facebook” bëhet me dije se përkeqësimi i motit do të vijojë deri në mesnatën e së mërkurës.

Ndër të tjera, theksohet se bregdeti do të përfshihet nga era me drejtim jug -jugperëndim me shpejtësi deri në 30 milje/orë dhe lartësia e dallgës mbi 3 m.

Autoritetet kërkojnë bashkëpunim të subjekteve që ushtrojnë veprimtari në fushën e detarisë për të marrë masat për sigurimin e mjeteve, duke shmangur kështu të gjitha aksidentet.

Njoftim për përkeqësim të motit!

Duke filluar nga dita e sotme deri ditën e mërkure në mesnatë, moti do të përkeqësohet.

Bregdeti ynë do të përfshihet nga era me drejtim jug -jugperëndim me shpejtësi deri në 30 milje/orë dhe lartësia e dallgës mbi 3 m.

Me qëllim parandalimin e çdo situate të papritur për shkak të kushteve atmosferike kërkojmë bashkëpunimin e të gjithë subjekteve që ushtrojnë veprimtari në fushën e detarisë, për të marrë të gjitha masat e nevojshme për sigurimin e mjeteve në port dhe rritje e gadishmërisë së ekuipazhit në mjetet lundruese./Opinion.al

Pas