Të tjera detaje janë bërë të ditura rreth ekzekutimit të biznesmenit, Ruzhdi Hoxha, nga miku i tij Fredi Rrushi, për të cilin pritet të jepet edhe masa e sigurisë. I arrestuar si bashkëpunëtor në krim është edhe vëllai i vogël i Fredi Rrushit, Pajtim Rrushi, 42 vjeç.
Policia informoi ditën e djeshme se mbi 42-vjeçarin rëndojnë akuzat për veprat penale të “Veprime që pengojnë zbulimin e të vërtetës” dhe “Fshehje ose asgjësim i kufomës”.
Sipas burimeve, Pajtim Rrushi ka fshehur makinën e të vëllait që mund të shërbente si provë për të mbledhur gjurmët e ADN-ës.
Mësohet se para oficerëve të policisë, 42-vjeçari nuk ka treguar asgjë për ngjarjen dhe ka mohuar të ketë pasur dijeni për vrasjen. Po ashtu ai ka mohuar që të kishte lidhje me zhdukjen e makinës. Por i vënë përballë pamjeve filmike ai nuk ka pranuar më të flas.
Dyshohet se ekzekutimi i Ruzhdi Hoxhës është bërë rreth orës 3 të mëngjesit, ku Fredi Rrushi ka marrë viktimën e ka vrarë direkt dhe më pas i ka marrë celularin, të cilin e ka hedhur pranë Shkollës së Bashkuar.
Celulari është gjetur nga një taksist, i cili ka vajtur dhe e ka shitur në një pikë për tregtimin e celulareve. Pronari i servisit të celulareve e ka ndezur dhe e ka përdorur për punën e tij, organi i akuzës e ka ndjekur me qelizat e celularti dhe ka shkuar e ka gjetur. Më pas ka marrë dëshminë e taksistit i cili ka rrëfyer se e ka gjetur në rrugë dhe e kishte shitur për 10 mijë lekë. Sipas burimeve gjithçka përkon me pamjet filmike dhe qelizat e celulareve të autorit dhe viktimës./Opinion.al
