Sport

“Miqësoren me Italinë e kërkova unë”, Reja: Kemi probleme me dëmtimet



Bëhu pjesë e Grupit Zyrtar të Opinion.al
>> KËTU <<
               Publikuar në : 16:15 - 13/11/22 |
Opi Nion

Trajneri i Kombëtares Edoardo Reja ka dalë në një konferencë për mediat ditën e sotme, ku ka folur për listën e lojtarëve të ftuar për miqësoret me Italinë dhe Armeninë, si dhe për objektivat që kuqezinjtë do kenë në këto dy sfida.

Veçanërisht tekniku italian u ndal tek ndeshja me Italinë, për të cilën tha se do të jetë një sfidë e veçantë dhe motiv krenarie.

Teksa po fliste për sfidën me Italinë, Reja tha se ishte vetë ai që i kishte kërkuar presidentit Armando Duka të kishte këtë miqësore.

Edoardo Reja: Ndeshja ndaj Italisë sigurisht që do të jetë shumë emocionuese për mua dhe Shqipërinë. Unë kam kaluar të gjithë karrierën dhe jetiën time në Itali, është e qartë që ky është një motiv kënaqësie dhe krenarie të luash kundër Italisë. Do të provoj emocione të mëdha dhe të bukura, kur të hyj në fushë dhe do të dëgjoj dy himnet bashkë. Është diçka normale dhe e bukur për dikë si unë me moshën që kam pasi kam punuar gjatë me skuadrat italiane. Pas eliminimit të Italisë nga Botërori, mora vesh nga media që ata po kërkonin kundërshtarë për të luajtur në miqësore. Telefonova menjëherë presidentin Duka dhe i thashë që të tentojmë të parët që të organizonim një miqësore me ta dhe pasi negociuam gjithçka shkoi mirë dhe Italia pranoi të luante me Shqipërinë. Kuptohet edhe për Shqipërinë është motiv krenarie të presë Italia.

Po ashtu, tekniku Reja foli dhe për situatën e lojtarëve.

Edoardo Reja: Më vjen keq që kemi shumë dëmtime, kam një listë të gjatë këtu. Balliu ka pak probleme dhe mbetet t’u vendosur. Dërrmaku, Gjasula, Manaj, Çekiçi, Veseli e Strakosha janë të dëmtuar. Më pas ka probleme edhe klubet, që nuk i lënë lojtarët të lirë. Është Balaj, Cikalleshi apo Uzuni, që ka ndeshje dhe është në pikëpyetje, dhe nuk i lënë.

Reja tha edhe se çfarë pret nga Italia, që ka vetëm fitore me Shqipërinë në 3 ndeshjet e mëparshme. Po ashtu, tekniku italian, u shpreh se pret nga kombëtarja shqiptare që të zhvillojë një ndeshje të mirë dhe të jenë në lartësinë e duhur.

Edoardo Reja: Mançinin e njoh mirë, ai nuk do vijë këtu për shëtitje dhe me siguri do të provojë ndonjë lojtar të ri, por edhe ai duhet të ketë në konsideratë gjendjen e lojtarëve që luajnë këtë fundjavë në Serie A. Patjetër, Italia është një skuadër e frikshme, i dimë vlerat e tyre, por mua më intereson që Shqipëria të zhvillojë një ndeshje të mirë dhe të jetë në lartësinë e duhur.

Miqësorja me Italinë do të luhet më 16 nëntor, ndërsa me Armeninë me 19 nëntor, sfida këto që do të luhen në stadiumin “Air Albania”.

Pas