Aktualitet

Ministrja austriake: Përfshijmë edhe Shqipërinë në pasaportën e gjelbër


Bëhu pjesë e Grupit Zyrtar të Opinion.al
>> KËTU <<
               Publikuar në : 10:45 - 06/05/21 |
Opi Nion

Ministria për Europën dhe Punët e Jashtme, Olta Xhaçka ka zhvilluar një konferencë për mediat këtë të enjte me ministren për Bashkimin Europian dhe Kushtetutën, Karoline Edstadler.

Gjatë fjalës së saj Xhaçka tha se Shqipëria po vijon angazhimin e saj drejt rrugës së BE-së, teksa theksoi që vendi ynë po ndjek nga afër diskutimet që po zhvillohen në BE për krijimin e një certefikate turizmi.

“Shqipëria po ndjek nga afër diskutimet që po zhvillohen në BE mbi lehtësimin e kufizimeve në lëvizjen drejt vendeve të unionit dhe mbi krijimin e një certifikate turizmi. Në kushtet aktuale qoftë për arsye turizmi apo familjare e pune mobiliteti i njerëzve midis Ballkani perëndimor dhe Bashkimi Europian është shumë i rëndësishëm, ndaj solla në vëmendje nevojës që të lehtësohen sa më shumë pengesat për rajonin tonë që është pjesë e Europës dhe integruar gjithnjë edhe më ngushtë në tregun e brendshme të BE-së si pjesë e përgatitjes për integrim”, tha Xhaçka

Nga ana tjetër Edstadler teksa uroi vendin tonë për zgjedhjet e 25 prillit tha: “Na duhet ta luftojmë këtë virus Covid-19 sëbashku sepse kjo është e vetmja mënyrë për të dalë nga kjo situatë. Ne kemi vërtet rrënjë të forta historike me Shqipërinë, kemi rrënjë të forta ekonomike dhe kjo është arsyeja përse ne kujdesemi për këtë rajon.

Duhet po kështu që të mundësojmë lëvizshmërinë e njerëzve edhe kjo është arsyeja përse po përpiqemi për pasaportën e gjelbër dhe jemi të bindur që duhet të përfshijmë edhe vendet e treta për këtë pasaportë të gjelbër sepse kjo është kyçe për ekonominë tonë.

Gjithashtu duam që këtu të përfshijmë edhe Shqipërinë dhe të gjitha vendet e Ballkanit Perëndimor në këtë pasaportë të gjelbër”./Opinion.al

Pas