Ministria ruse e Mbrojtjes thotë se 40 të burgosur ukrainas janë vrarë nga një bombardim i Ukrainës në një burgu në Donetsk të kontrolluar nga separatistët.
Zyrtarët pretenduan se 75 të tjerë kanë mbetur të plagosur nga sulmi me raketa në kampin e burgut në Olenivka.
Ushtria e Ukrainës mohoi kryerjen e sulmit dhe në vend të kësaj akuzoi Rusinë për bombardimin e burgut.
Ai tha se Moska po kërkonte të mbulonte provat e torturës në vend.
“Okupantët rusë ndoqën qëllimet e tyre kriminale, duke akuzuar kështu Ukrainën për “krime lufte” dhe për të fshehur torturat e të burgosurve dhe të shtënat e kryera atje me urdhër të administratës pushtuese dhe komandës së Forcave të Armatosura të Federatës Ruse”, tha Shtabi i Përgjithshëm i Ukrainës.
Ministria ruse e Mbrojtjes tha se sulmi ishte kryer me artileri Himars të prodhuar nga SHBA dhe akuzoi Ukrainën për një provokim “të kryer qëllimisht”.
Zëdhënësi i ministrisë, gjenerallejtënant Igor Konashenkov, tha gjithashtu se tetë punonjës të burgut ishin plagosur.
Por Mykhailo Podolyak, këshilltar i presidentit të Ukrainës, Volodymyr Zelensky, tha se akuzat ruse ishin “një operacion klasik, cinik dhe i përpunuar i flamurit të rremë” i krijuar për të diskredituar autoritetet ukrainase.
“Ne kërkojmë reagim nga OKB-ja dhe organizatat ndërkombëtare”, shtoi ai.
Dhe ministri i Jashtëm i Ukrainës Dmytro Kuleba akuzoi Rusinë për kryerjen e “një krimi tjetër të tmerrshëm lufte”/Opinion.al
