Politikë

Meta:Hakerat kanë depërtuar në maj të 2021, prokuroria të hetojë përgjegjësinë e qeverisë



Bëhu pjesë e Grupit Zyrtar të Opinion.al
>> KËTU <<
               Publikuar në : 13:09 - 20/09/22 |
Opi Nion

Kreu i Partisë së Lirisë Ilir Meta gjatë një konference për shtyp ditën e sotme tha se hakerat kanë depërtuar në e-Albania që në maj të vitit 2021. Ish-Presidenti kërkoi që të bëhet transparencë se çfarë ka ndodhur saktësisht. Po ashtu Meta i bëri thirrje prokurorisë që të bëjë hetim të thelluar për evidentimin e përgjegjësisë së qeverisë dhe institucioneve të tjera, në lidhje me menaxhimin e të dhënave të qytetarëve.

“U godit edhe ALEAT-i një tjetër çudi, është goditur sistemi i Policisë së Shetetit, duke bërë që qytetarët të mos kujtojnë gjobat dhe t’i paguajnë ato me kamatvonesë.

Është goditur sistemi ADAM dhe MEMEX që përbën trurin e policisë dhe bazën e luftës kundër krimit. Ju ftoj të kujtoni se Edi Rama duke e ditur këtë situatë në 6 maj kërkoi t’i impononte bankat të futeshin në e-albania, por që fatmirësisht u refuzua nga Banka e Shqipërisë dhe banka të tjera. Kjo kërkesë e çuditshme e Edi Ramës vinte me vetëdije pas një sërë sulmesh që hakerat kishin nisur.

Microsoft thekson se hakerat kanë depërtuar në e-Albania që në maj 2021. Ata theksojnë se ndërhyrja është forcuar në korrik 2021, për të vijuar më pas në vitin 2022.

Ne kërkojmë të bëhet transparencë se çfarë ka ndodhur saktësisht. Të bëhet një vlerësim i situatës së sigurisë kombëtare. Prokuroria të bëj një hetim për evidentimin e përgjegjësisë së qeverisë dhe çdo institucioni në lidhje me menaxhimin e të dhënave të qytetarëve.

Cënimi i Sigurisë kombëtare ka ndodhur në vazhdimësi dhe Edi Rama vijon të gënjëjë në lidhje me pasojat e këtij sulmi ndaj qytetarëve shqiptarë, bizneseve dhe partnerëve të huaj”, tha Meta./Opinion.al

 

 

Pas