Kreu i partisë së Lirisë Ilir Meta gjatë konferencës së sotme për mediat ka kërkuar që kryeministrit Edi Rama t’i bëhet testi i drogës. Meta po ashtu tha se Kuvendi i Shqipërisë duhet të nisë procedurat për të verifikuar shëndetin mendor të Edi Rames dhe të gjithë evoluimit të kartelave të tij psiqike. Sipas tij, kjo duhet të bëhet sa më shpejt pasi për shkak të gjendjes së tij mund të shkaktohen dëme në funksionimin e shtetit.
“Emergjente që Kuvendi i Shqipërisë të nisë procedurat për të verifikuar shëndetin mendor të Edi Rames dhe të gjithë evoluimit të kartelave të tij psiqike, jo vetëm kaq por të merren masa për ti bërë testin e drogës dhe përdorimit të substancave narkotike pasi për shkak të detyrës që ka mund të shkaktojë dhe dëme më të mëdha sa i takon interesit kombëtar, e funksionimit të shtetit të së drejtës në vendin tonë”, u shpreh Meta./Opinion.al
