Presidenti Ilir Meta ka reaguar pas një takimi 90 minutësh me të ngarkuarën me punë të SHBA-ve, në Tiranë, Leyla Moses Ones. (LEXO LAJMIN KËTU) Në një postim në rrjetet sociale ai shkruan se Shqipëria ka nevojë për reflektim dhe përgjegjësi maksimale nga të gjithë aktorët politikë.
“Të mos humbasim këtë moment historik për të hedhur një hap përpara drejt Europës. Të bëjmë çdo përpjekje për mos-shkëputjen nga përparimi i fqinjit tonë Maqedonisë së Veriut. Çelja sa më parë e negociatave të anëtarësimit detyrim historik për të gjithë ata që duan Shqipërinë si Europa!”, thekson kreu i shtetit.
Ky reagim vjen dhe pas debateve në Kuvend, ndërsa kryeministri Edi Rama hodhi akuza të forta. Shefi i qeverisë tha se Meta me vendimin e tij lëshoi një “plumb qorr për të vrarë zgjedhjet”.
Sipas Ramës, plani ka qenë i thurur me parë mes Presidentit dhe ish-kryeministrit Sali Berisha për të penguar reformën në drejtësi dhe çeljen e negociatave për në BE. / Opinion.al
LEXO EDHE
