Rajoni

Mesazh i koduar për Ramën? Haradinaj përkujton Skënderbeun


               Publikuar në : 17:44 - 16/01/20 |
Al Do

Ditën e djeshme në media u njoftua se kryeministri Rama e ka bërë zyrtare padinë e tij ndaj kryeministrit në detyrë të Kosovës, Ramush Haradinaj, të cilin e akuzon për shpifje lidhur me çështjen e shkëmbimit të territoreve mes Kosovës dhe Serbisë.

Lexo edhe: E tha në Opinion, Rama mban fjalën. Padit zyrtarisht Haradinajn

Haradinaj reagoi pas këtij lajmi duke i konsideruar të pabazuara akuzat e Ramës dhe duke paralajmëruar përgjigje brenda afateve ligjore.

Lexo edhe: Edi Rama ngre padi zyrtare, reagon Ramush Haradinaj

Pas këtij postimi në faqen e tij zyrtare në Facebook, Haradinaj përkujtoi një ditë para, vdekjen e Heroit të Kombit, Gjergj Kastriot Skënderbeut.

Me 17 janar 1468, pushoi së rrahuri zemra e themeltarit të Shqipërisë, kryeprincit të shqiptarëve, Gjergj Kastrioti Skënderbeu”, shkruan Haradinaj. Megjithatë më poshtë ai thekson si një nga trashëgimitë që na bën krenar nga Skënderbeu është se ai guxoi të sfidonte superfuqitë e kohës. Kjo sipas tij ndezi edhe shkëndijat e luftës për liri.

Gjenerali që sfidoi superfuqitë e kohës, është gjithmonë frymëzimi për secilin që ndjehet shqiptar. Vepra e tij gjithmonë ndezi shkëndijat e kryengritjeve për liri. Lum shqiptarët që e kishin. Lavdi e përjetshme! RH”, përfundon postimin e tij Haradinaj.

Refenenca me sfidën ndaj fuqive të mëdha vjen në një kohë kur Haradinaj akuzohet nga Rama se ka shpifur kur ka thënë se kryeministri shqiptar ka rënë dakord me propozimin e shkëmbimit të territoreve të Kosovës. Përplasja e tij me Ramën u theksua edhe më shumë në debatin mbi tarifën 100% të Kosovës ndaj Serbisë. Kryeministri Rama ka pranuar se fuqitë e mëdha europiane (Franca, Gjermania) i kishin kërkuar Haradinajt ta hiqte tarifën në këmbim të heqjes së regjimit të vizave me Kosovën por ky i fundit nuk kishte pranuar ta bënte këtë kompromis. Ishte debati mbi tarifën që solli më pas edhe akuzat e ndërsjellta mes kryeministrave të dy vendeve shqiptare. /Opinion.al

Pas