Bota

Merkel: Turqia meriton respekt për atë që po bën me refugjatët


Bëhu pjesë e Grupit Zyrtar të Opinion.al
>> KËTU <<
               Publikuar në : 21:07 - 30/11/20 |
Opi Nion

Kancelarja gjermane Angela Merkel gjatë një konference online e ka cilësuar ndikimin e Turqisë në Mesdhe si  agresiv dhe provokues.

Në të njëjtën kohë, ajo vlerësoi faktin që anija kërkimore Oruc Reis është ankoruar në një port turk.

Duke biseduar me anëtarët e Parlamentit Evropian dhe anëtarët e parlamenteve kombëtare të vendeve anëtare të Bashkimit Evropian, Kancelarja gjermane vuri në dukje marrëdhëniet BE-Turqi të cilat sipas saj nuk janë në nivelin që duhet.

“Ne kemi bërë shumë përpjekje për marrëdhëniet BE-Turqi. Ekzistojnë një numër pengesash dhe vështirësish që dalin vazhdimisht, kështu që ne duhet të presim se si do të zhvillohet debati në dhjetor, por Turqia nuk ka përparuar aq shumë sa unë shpresoja,” tha Merkel.

Duke iu përgjigjur pyetjeve të deputetëve nga Greqia dhe Qipro, Kancelarja Merkel theksoi se “Turqia në vitet e fundit ka marrë një rrugë që ngjall shumë kritika në lidhje me vlerat tona, dhe bindjet që ne kemi”.

“Ajo që po ndodh në Mesdhe,  lidhur me Qipron, si për çështjen e ribashkimit të Qipros dhe për çështjen e nxjerrjes së hidrokarbureve, ka një karakter agresiv ose, do të saktësoja, një karakter provokues. Por është progresiv fakti që anija Oruc Reis u kthye pët t’u ankoruar në një port turk. Ndërkohë që në Qipro ende nuk ka aktivitet shpues për nxjerrjen e hidrokarburave. E kemi thënë dhe më herët, kjo çështje do të adresohet në Këshillin Evropian në dhjetor dhe do mbajmë një qendrim zyrtar. Siç e kemi planifikuar kjo do të ndodhë më 10 dhe 11 dhjetor“, shtoi Merkel.

Nga ana tjetër, kancelarja vlerësoi faktin se Turqia ka mirëpritur qindra refugjatë sirianë.

 “Turqia është vendi që ka pritur ndoshta më shumë refugjatë në botë, për shkak të konfliktit në Siri, në të cilin morën pjesë edhe vendet perëndimore”.

Më shumë se tre milion refugjatë sirianë, dhe sigurisht një milion refugjatë të tjerë, jetojnë në Turqi, tha ajo, duke shprehur respektin për përpjekjet e Turqisë.

“Shikojmë se sa e vështirë është për ne në BE çështa e imigracionit, në këtë rast  Turqia meriton respekt të madh për atë që po bën në këtë zonë,” tha ajo.

“Kjo është arsyeja pse unë jam pro vazhdimit të mbështetjes së Turqisë, sepse është padyshim më mirë që refugjatët të jetojnë afër vendlindjes së tyre sesa të jetojnë në vende të ndryshme të BE. Në këtë rast mendoj se kemi një detyrim. Dhe ne e dimë sa e vështirë ka qenë në Gjermani për të pritur një numër të madh refugjatësh. Çfarë diskutimesh kanë ndodhur në lidhje me këtë çështje dhe kjo është arsyeja pse unë e kuptoj më së miri atë që Turqia po përpiqet të bëjë. Por, siç thashë, kjo do të jetë një çështje që do të diskutohet sërish në dhjetor “- përfundon Merkel./ Opinion.al

Pas