Një video e re e reperit T.I. po shpërndahet gjerësisht në Shtetet e Bashkuara, pasi në të shfaqet një modele nudo që i ngjason Zonjës së Parë, Melania Trump.
Video e publikuar në Twitter nga T.I. me tekstin “Unë nuk jam Kanye”, tregon presidentin e SHBA-së duke u larguar nga Shtëpia e Bardhë me helikopter dhe më pas reperin që rehatohet në kolltukun e tij të sajuar dhe sheh modelen teksa kërcen nudo mbi tryezë.
Vajza shihet e veshur vetëm me një xhaketë “Zara”, që i ngjan asaj që Melania veshi në qershor në Texas. Më pas ajo e heq xhaketën dhe del lakuriq, për të kërcyer para reperit.
Zëdhënësja e Zonjës së Parë reagoi të martën pas publikimit të videos turpëruese dhe kërkoi fshirjen e saj nga rrjeti social.
“Është fyese dhe e neveritshme që ta portretizojmë atë në këtë mënyrë vetëm për shkak të politikës. Këto sulme vulgare e rrisin ndarjen dhe paragjykimet në vendin tonë – ajo duhet të fshihet“.
Dear 45,
I ain’t Kanye. ? pic.twitter.com/BCS8nkbn1M— T.I. (@Tip) October 13, 2018
