Kryesore

Me koncension edhe varrezat, PD: Ja si po vidhen qytetarët


Bëhu pjesë e Grupit Zyrtar të Opinion.al
>> KËTU <<
               Publikuar në : 08:43 - 31/01/21 |
Doriana Çepunaj

Partia Demokratike ka reaguar lidhur me koncesionet e dhëna nga qeveria në qytetin e Durrësit.

Përmes një statusi në Facebook, Oerd Bylykbashi shkruan se është dhënë me koncesion në këtë qytet shërbimi urban teksa më tej ai shkruan se “plehrat ia paguajmë me paratë e durrsakeve koncesionit të Tiranës”.

Ndër të tjera, ai thekson se porti nuk është me i durrsakëve, edhe ai është dhënë me koncesion, ndërsa thekson se tashmë është vendosur që edhe varrimin dhe respektin e fundit te dashurve të tyre, durrsaket do të duhet ta negociojnë me koncensionarin e varrezave.

Në përfundim të postimit të tij, Bylykbashi thotë se më 25 prill duhet të votojmë masivisht qe t’ia kthejmë Durrësin durrsakëve.

Postimi i plotë

Durrësi i takon durrsakeve, jo hienave!

Blenë votat e hallexhinjve me paratë e korrupsionit dhe krimit të organizuar e me to erdhën në pushtet dhe i futen thonjtë Durrësit e nuk e lëshojnë.

Me pas ia dhanë shitblerjen e votave me koncension organizatave kriminale qe e kthyen Durrësin ne kryeqytetin e krimit te organizuar.

Dhanë me koncension shërbimin urban ne Durrës. Plehrat ia paguajmë me paratë e durrsakeve koncesionit te Tiranës. Zhvillimi urban është praktikisht i dhënë me “konçension” ne duart e pak ndërtuesve.

Porti nuk është me i durrsakeve. Sapo dhanë një konçension tjetër. Madje portin dhe bregun e detit prej se paku 3 km do t’ia japin arabeve. Durrsaket nuk do ta shohin me detin siç e shohin sot.

Bashkinë e ka marre me koncension Kryeministria. Çfarë vendos Rama ekzekutohet në Durrës nga drejtoresha e përgjithshme e bashkisë.

Tashmë paskan vendosur edhe që varrimin dhe respektin e fundit te dashurve të tyre, durrsaket do të duhet ta negociojnë me konçensionarin e varrezave. Nuk mjaftojnë taksat që paguajnë po duhet të paguhet edhe konçensionari për banesën e fundit. Turp!

Kanë një shprehje durrsaket për këtë sjellje grabitqare te këtyre qe po i qeverisin: “Kush mur, dul”. E thënë ndryshe, “Kush mori, doli”. Pra marrin ç’të marrin dhe ikin. Thjesht grabitqare qe ne ikje e sipër po marrin edhe lugët dhe filxhanët.

Me 25 prill duhet te shkojmë te votojmë masivisht qe t’ia kthejmë Durrësin durrsakeve. Me 25 prill, duke përzenë Edi Ramen nga pushteti, fiton Shqipëria./Opinion.al

Pas