Rajoni

“Më dërgoi Zoti”, i droguar këngëtari grek dorëzohet në polici, i gjenden 1.2 mln €



Bëhu pjesë e Grupit Zyrtar të Opinion.al
>> KËTU <<
               Publikuar në : 17:43 - 14/08/22 |
Opi Nion

Policia greke ka arrestuar këngëtarin dhe tekstshkruesin Vassilis Gorgolitsa.  Nën efektin e drogës ai futi makinën në parkingun e Gjykatës së Apelit, ndërsa në automjet iu gjetën 1 milionë e 200 mijë euro ndërsa 300 mijë euro të tjera iu gjetën në shtëpinë e tij.

Gjatë kontrollit në makinë iu gjet edhe një sasi kokaine rreth 200 gramë, rreth gjysmë kilogram kanabis të përpunuar, pilula xtc dhe mdma.

Sipas protothema.gr këngëtari është paraqitur vullnetarisht pranë policisë për t’u dorëzuar. I arrestuari nuk ka dhënë shpjegime të qarta për oficerët e Prokurorisë së Narkotikëve që trajtojnë rastin lidhur me drogën dhe sasinë e parave, por sipas mediave greke me fraza të pakuptueshme, ka thënë se “më ka dërguar Zoti” dhe nga ana tjetër se “kam bërë shumë gjëra dhe kam ardhur të dorëzohem”.

E rëndësishme për policinë greke është origjina e parave, pasi “thesari” që mbante në një çantë udhëtimi dhe e kishte fshehur në shtëpinë e tij në Ilioupoli, zbulon se 33-vjeçari mund të ketë qenë anëtar i një rrjeti droge që tregtonte kokainë, kanabis dhe pilula halucinogjene në baret e e Athinës dhe Mykonos./Opinion.al

Pas