Nga Matthew Holroyd-
Udhëheqësit europianë kanë kapur numrat më të lartë të sondazhit gjatë pandemisë së koronavirusit, pavarësisht se në shtetet e tyre, shifrat e vdekjeve kanë qënë ndër më të lartat për frymë në botë.
Të dhënat e fundit të sondazhit tregojnë se partitë qeverisëse në Mbretërinë e Bashkuar, Gjermani, Itali dhe Francë kanë pasur një ngritje të popullaritetit gjatë bllokimeve kombëtare.
“Kjo është kriza më e rëndë që ka goditur Europën që nga Lufta e Dytë Botërore,’- tha Daniele Albertazzi, një shkencëtar politik nga Universiteti i Birmingham. ‘Është e ditur se në kohë krize, njerëzit priren të të jenë më nacionalista dhe të përkrahin qeverinë prezente.”
Disa përdorime të metaforave të ‘kohës së luftës’ nga ana e qeverisë europiane, gjithashtu mund t’i kenë ndihmuar ata të shmangin kundërshtimet e qytetarëve dhe të ruanin popullaritetin e tyre gjatë pandemisë COVID-19, duke bindur njerëzit që duhet të bashkohen, për të mposhtur virusin.
“Qeveritë kanë qenë shumë të zgjuara në shfrytëzimin e kësaj situate dhe përdorimin e metaforave që kujtojnë njerëzit për periudhat e kohës së luftës, kështu që virusi është bërë një armik që popullsia duhet të mposhtë duke luftuar së bashku”.
Suporti ndaj kryeministrit Boris u rrit?
Sipas Opinium, popullariteti i Partisë Konservatore në Mbretërinë e Bashkuar u rrit nga 49% para se të praktikohej bllokimi, në 54 % më pas. Hapësira e popullaritetit e Partisë Konservatore mund të shpjegohet me efektin e mbledhjes përreth flamurit, që thotë se në periudhë krize, qeveritë përkrahen dhe suportohen nga njerëzit.
Por gjithashtu mund të lidhet me simpatinë ndaj kryeministrit të Mbretërisë së Bashkuar, Boris Johnson, i cili ishte shtruar në spital me COVID-19, në 5 prill dhe më vonë kaloi kohë në kujdes intensiv.
Efekti i mbledhjes përreth flamurit në Mbretërinë e Bashkuar. Përkrahja më e lartë në prill, në kulmin e shpërthimit
Macron dhe Merkel fitojnë
Ndërkohë, në Francë, vlerësimet e presidentit Macron u përmirësuan me një mesatare prej 10% pasi vendi vendosi një bllokim kombëtar në 17 mars. Numrat kanë rënë gjatë rrjedhës së bllokimit, por Macron akoma gëzon vlerësime margjinalisht më të larta sesa para pandemisë COVID-19.
Gjatë fjalës së tij për të imponuar bllokimin, Macron përsëriti shprehjen ‘nous sommes en guerre’ (Ne jemi në luftë).
Por rritja më e dukshme e mbështetjes për qeverinë është në Gjermani, ku imazhi i Merkel është rritur, që nga fillimi i marsit, nga 24% në 38 % të votave.
Si dolën liderët në Itali dhe Spanjë?
Mbështetja për kryeministrin italian, Giuseppe Conte, gjithashtu është rritur, ndërsa partitë në pushtet: social demokrate në Danimarkë, Suedi dhe Portugali ishin përmirësuar të gjitha me të paktën 4% në sondazhet e opinioneve, deri në fund të marsit.
Në Spanjë, opinioni publik rreth Partisë Socialiste të Punëtorëve të Pedro Sanchez (PSOE) u ul një javë para se bllokimi kombëtar të prezantohej në 14 mars, por gradualisht është përmirësuar në prill, sipas ElectoPanel.
A do të zgjasë ky sukses?
Analistët sugjerojnë se këto numra pozitivë për qeveritë nuk do të mbahen, teksa pandemia e COVID-19 vazhdon. Ky ‘efekt protestues’ i mbështetjes së publikut për qeveritë ‘tani duket se po zvogëlohet ndërsa votuesit fillojnë të vënë në dyshim qeveritë e tyre’, tha Goodëin.
‘Emmanuel Macron dhe Donald Trump, për shembull, tani vuajnë në sondazhe më shumë, sesa kur ishin në fillim të krizës. Kjo është e rëndësishme sepse ne e dimë që perceptimi i kompetencës – a po menaxhon me kompetencë lideri një çështje të rëndësishme? – është shumë i rëndësishëm për mënyrën se si njerëzit votojnë,’- shtoi Goodwin. Ndërsa javët kalojnë, njerëzit do të fillojnë të kuptojnë efektin e madh financiar të krizës dhe gjithnjë e më shumë shfaqen histori në lidhje me keqpërdorimin e pandemisë dhe gabimet e mëdha që u bënë nga qeveritarët.
Popullistët bien, por do të kthehen së shpejti
Të dhënat e Zgjedhjeve të Europës, kanë treguar gjithashtu, se një numër i partive populliste në të gjithë Europën kanë rënë në sondazhet e opinioneve.
Lega Nord e Matteo Salvini ka rënë me afërsisht 4% që nga muaji shkurt, ndërsa VOX España, Alternative für Deutschland (AfD) dhe Marine le Pen’s Rassemblement National në Francë gjithashtu pësuan një rënie.
Por analistët presin që populistët të rifillojnë komunikimet e tyre së shpejti, edhe pse ekzistojnë rreziqe të konsiderueshme./Opinion.al
