Aktualitet

Mbërrijnë dozat e vaksinës në Shqipëri, Rama: 30 mijë të tjera në prill


Bëhu pjesë e Grupit Zyrtar të Opinion.al
>> KËTU <<
               Publikuar në : 21:26 - 01/03/21 |
Opi Nion

Mbrëmjen e sotme në Shqipëri mbërritën 15,210 doza të vaksinës së kompanisë Pfizer. Vaksinat u pritën në aeroportin e Rinasit nga kryeministri Edi Rama, ministrja e Shëndetësisë, Ogerta Manastirliu dhe ministri i rindërtimit, Arben Ahmetaj.

Rama u shpreh se në muajin prill në Shqipëri do të mbërrijnë dhe 30 mijë doza të tjera të vaksinës Pfizer, ndërsa tashmë janë siguruar edhe 14 mijë të vaksinës AstraZeneca përmes marrëveshjes COVAX.

“Do të marrim 30 mijë doza në muajin prill dhe skeduli do të vazhdojë pa ndërprerje çdo muaj. Kam besim se shumë shpejt do të kemi një lajm shumë të mirë sepse kemi të konfirmuara 14 mijë dozat e para nga AstraZeneca Brenda marsit, nga ana tjetër po punojmë me disa burime të tjera. Ju lutem durim, pasi është një luftë e madhe tregtare dhe ne nuk jemi mbrapa askujt. Durim”, u shpreh Rama.

Që nga 11 janari në Shqipëri janë kryer 14,295 vaksinime, ndërsa të parët që morën vaksinën ishte stafi mjekësor që ndodhet në frontin e luftës kundër COVID-19. Ndërkohë, aktualisht në Shqipëri vaksinën po e marrin të moshuarit./ Opinion.al

Pas