Aktualitet

Mbajtja e maskës, policia gjobit 1307 qytetarë gjatë fundjavës


Bëhu pjesë e Grupit Zyrtar të Opinion.al
>> KËTU <<
               Publikuar në : 15:40 - 18/01/21 |
el ida

1307 qytetarë janë ndëshkuar gjatë fundjavës me gjobë për shkak se nuk kanë zbatuar masat për parandalimin e përhapjes së Covid-19.

Policia njofton se si rezultat kontrolleve, gjatë fundjavës, në të gjithë vendin, Patrullat e Përgjithshme dhe ato të Policisë Rrugore kanë evidentuar dhe ndëshkuar me masën administrative 3.000 lekë secili, 1303 qytetarë që janë konstatuar duke lëvizur pa maskat mbrojtëse.

Ndërkohë që janë shoqëruar në ambientet e Policisë në të gjithë vendin, 13 shtetas që nuk kanë pranuar t’i tregojnë punonjësve të Policisë dokumentin e identifikimit, të cilët janë ndëshkuar me masën administrative 3.000 lekë dhe më pas janë lënë të lirë.

Po ashtu gjatë kontrolleve të ushtruara në subjekte të ndryshme, shërbimet e Policisë kanë evidentuar 1 subjekt që ushtronte aktivitetin në kundërshtim me protokollet e sigurisë dhe për administratorin e këtij subjekti është vendosur masa administrative 1.000.000 lekë.

Policia po ashtu ka ndëshkuar me masë administrative 10 000 lekë secili, edhe tre qytetarë, të cilët po lëviznin në rrugë gjatë orarit të ndaluar të lëvizjes, pa arsye të domosdoshme./ Opinion.al

Pas