Orizi është një nga ushqimet më ushqyese. Përmban një sasi të madhe të karbohidrateve dhe proteinave. Po ashtu, përmban vitaminë B dhe E, si dhe elementë të tilla si hekur, magnez, fosfor dhe selen.
Kët janë disa llloje maskash bukurie, të cilat mund t’i përgatisni me oriz.
Maskë për ushqim të thellë të lëkurës të thatë
Ziejeni orizin deri sa të bëhet shumë i ujshëm. Nga masa e krijuar shtoni një gram në 50 ml krem natyral fytyre. Përforcoheni kremin me 2 ml vaj nga kokrrat e rrushit dhe 20 pika vaj esencial të barbarozës. Pasi të përzieni mirë të gjithë përbërësit, aplikojeni produktin në fytyrë të pastër dhe lëreni për 10 minuta. Në vazhdim shpërlajeni me ujë. Maskën ruajeni në frigorifer. Kjo maskë, sa herë që e përgatisni, duhet të aplikohet menjëherë në fytyrë, pasi përndryshe thith lagështinë dhe fillon forcohet.
Për duar të buta
Përbërësit:
½ filxhan oriz
1 filxhan ujë të nxehtë
½ kastravec të paqëruar
¼ filxhan kungull
2 lugë qumësht
Në një enë përzieni orizin me ujin e nxehtë dhe lereni për një orë. Pasi ta kulloni, mos e hidhni ujin. Në blender përzieni kastravecin, kungullin dhe qumështin. Më pas shtoni ujin dhe orizin dhe përziejini mirë. Kur masa të jetë gati aplikojeni në duar dhe mbulojini ato me një qese ose doreza plastike. Lëreni për 15 minuta dhe shpëlajini duart me ujë të nxehtë. Masa mund të ruhet në frigorifer për 4 ditë.
Për një dush tonik
Përbërësit:
1 filxhan oriz
1 filxhan tërshërë
2 lugë çaj të zi
1 filxhan qumësht pluhur
Përziejini të gjithë përbërësit dhe mbani gjysmën e përzierjes, ndërsa gjysmën tjetër ruajeni në një enë të mbyllur për përdorim në të ardhmen. Vendoseni masën që do të përdorni në një copë dhe lidheni duke formuar një qese të vogël. Mbusheni vaskën me ujë të ngrohtë dhe vendosni qesen brenda, duke e shtypur herë pas here. Lëreni në ujë derisa uji të marrë temperaturën e duhur. Për rezultate më të mira, qëndroni në vaskë për 30 minuta. Procedurën me të njëjtën qese mund ta përsërisni 2 herë.
