Kronikë

Mashtrimi me kredi fiktive, jepet masa për të arrestuarit


               Publikuar në : 15:23 - 22/08/19 |
Opi Nion

Gjykata ka dhënë ditën e sotme masën e arrestit për të arrestuarit që jepnin kredi fiktive për qytetarë.

Gjykata vendosi që të dënojë më masën “arrest me burg” Albana Imamin, Blertina Kananin, Mihal Hanxharin, Orkida Drizën, vendosi masën “arrest në shtëpi” për Esmeralda Vason dhe Matilda Domin.

Arbana Imamai ka pranuar para trupit gjykues së ka qënë një skemë mashtruese, por  argumentin se këtë gjë e ka bërë në të mirë të fondacionit “Besa”. Oficerët e kredisë kanë akuzuar drejtoreshën e policisë se i ka detyruar të firmosë kredi fiktive.

Ndërkohë, një prej të arrestuarave, Orkida Driza, që sipas prokurorisë akuzohet si seksere, tha se është përdorur dhe për kredi aty ka cuar edhe fëmijët e saj.

“Jam e gatshme të bashkëpunojë, më kanë përdorur, unë kam cuar edhe fëmijët e mi aty”, tha ajo.

HETIMI

Specialistët e Seksionit për Hetimin e Krimit Ekonomik dhe Financiar në Policinë e Tiranës, pas kallëzimit të bërë nga drejtuesit e “Fondit Besa”, fondacion për dhënie kredie, se një pjesë e stafit kishin dhënë kredi fiktive, me qëllim përfitimin, si dhe kishin marrë me interes shuma të mëdha valute nga persona të ndryshëm, menjëherë kanë referuar materialet në Prokurorinë e Tiranës.

Pas një punë hetimore një-javore, nën drejtimin e Prokurorisë, mbrëmjen e së martës, specialistët për Hetimin e Krimit Ekonomik e Financiar organizuan dhe zhvilluan operacionin policor të koduar “Kredia”, duke e finalizuar me ndalimin e 7 personave dhe konkretisht: Albana Imami, 48 vjeçe, drejtoreshë në një nga degët e filialit të fondacionit; Blertina Kanani, 41 vjeçe, oficere kredie; Matilda Domi, 27 vjeçe, oficere kredie; Mihal Hanxhari, 41 vjeç, ishoficer kredie; Esmeralda Vaso, 38 vjeçe, oficere kredie; Orkida Driza, 41 vjeçe, me rolin ndërmjetësuese për gjetjen e personave për kredi fiktive; A. A., 32 vjeç, me rolin ndërmjetësues për gjetjen e personave për kredi fiktive, i cili aktualisht është me masë sigurie “Arrest në burg”, për një tjetër vepër penale dhe akuza do t’i komunikohet në ambientet e burgut.

Gjithashtu, u bë shpallja në kërkim e një shtetasi, pjesëtar i grupit, në rolin e sekserit dhe vijon puna për kapjen e tij.

SKEMA E MASHTRIMIT

Nga hetimet e deritanishme, ka rezultuar se shtetasja Albana Imami, në pozicionin e drejtoreshës së njërës nga degët e filialit, kishte krijuar ketë skemë mashtrimi dhe në bashkëpunim me personat e tjerë të ndaluar kanë lëshuar kredi në mënyrë fiktive. Klientët që kanë përfituar kreditë nuk janë paraqitur fare në zyrat e fondacionit në momentin e aplikimit për kredi. Ata paraqiteshin vetëm në momentin që disbursohej kredia, bënin tërheqjen e lekëve në banka dhe nga shuma e përfituar e kredisë, këta persona përfitonin 25 deri në 35% të shumës së kredisë dhe pjesa tjetër përfitohej nga drejtoresha e degës, oficeret e kredisë dhe sekserët që siguronin klientët.

Në përfundim të këtij procesi nga drejtoresha e degës, Imami, lëshohej një vërtetim fiktiv, sikur e gjithë shuma e kredituar ishte likuiduar nga klienti. Shuma e kredive që janë dhëne nga ky staf, deri tani ka shkuar në vlerën e 2 milionë eurove dhe në përditësimin e saj shkon në rritje. Nga drejtoresha e degës, shtetasja Albana Imami, janë marrë shuma të mëdha valute me interes nga persona të ndryshëm për të mbuluar këtë skemë mashtrimi, të cilat kapin vlerën deri në 1,7 milionë euro./ Opinion.al E.Xh.

Pas