Rajoni

Masat e reja në Kosovë: Punonjësit e administratës nuk futen në punë pa vaksinë


Bëhu pjesë e Grupit Zyrtar të Opinion.al
>> KËTU <<
               Publikuar në : 18:52 - 30/11/21 |
Opi Nion

Qeveria e Kosovës po diskuton për masat e reja anti-COVID. Ndërsa zëdhënës për informim në Ministrinë e Shëndetësisë kanë thënë për Express se do t’i propozojnë Qeverisë disa masa të reja bazuar në situatën epidemiologjike në rajon.

Mësohet se kufizimi i qarkullimit të qytetarëve do të vazhdoj të jetë nga ora 00:00 deri në ora 05:00, ndërsa, qytetarët do të vazhdojnë të mbajnë maska.

Ministria e Shëndetësisë ka propozuar që çdo person që hyn në Kosovë duhet të ketë certifikatën e vaksinimit të plotë ose certifikatën e vaksinimit për vaksinimin me një dozë, jo më e vjetër se katër javë, bashkë me testin RT-PCR negativ për COVID-19, të kryer brenda 48 orëve.

Ndërsa, shtetasve të Republikës së Kosovës, si dhe personave me leje qëndrimi të përkohshëm ose të përhershëm në Kosovë, të cilët nuk posedojnë ndonjë nga dëshmitë e mësipërme dhe kërkojnë të hyjnë në territorin e Republikës së Kosovës, iu jepet mundësia të vaksinohen nga ekipet mobile të vendosura në pikën kufitare.

Institucionet publike dhe private do të detyrohen të mbajnë dezinfektatë dhe maska në hyrje të objektit e në brendësi të tij.

Të gjithë punonjësit e institucioneve publike, si dhe personeli i ndërmarrjeve publike në pronësi të Qeverisë apo të një komune, duhet të posedojnë certifikatën e vaksinimit të plotë, ose certifikatën për vaksinimin me një dozë bashkë me dëshminë se personi ka kaluar COVID-19 në mënyrë që t’ju lejohet hyrja në ambientet e punës.

Zëdhënës për informim në Ministrinë e Shëndetësisë kanë thënë sot për Express se do t’ua propozojnë Qeverisë masat e reja bazuar në situatën epidemiologjike në rajon.

Sipas tyre, këto masa pritet të miratohen së shpejti dhe të zbatohen nga të gjithë.

“Disa masa të reja do të propozohen nga MSh për Qeverinë, bazuar në situatën epidemiologjike dhe rreziqet që mund të vijnë edhe nga varianti Omicron, dhe ato pritet të miratohen së shpejti dhe duhet të zbatohen nga të gjithë. Zbatimi i masave me korrektësi dhe vaksinimi janë aktualisht rruga që duhet ndjekur për të parandaluar përkeqësimin e situatës”, është thënë nga MSH.

Më tej Ministria e Shëndetësisë kanë thënë se sistemi shëndetësor në Kosovë është i mobilizuar për t’u përballur me çfarëdo varianti në teren.

“Është e drejtë që kur në cilindo kontinent apo shtet shfaqet ndonjë variant i ri, situata të trajtohet me seriozitet dhe sistemi të mbahet i mobilizuar në maksimum për t’u ballafaquar me çfarëdo skenari në terren. Këtë po e bën edhe sistemi shëndetësor në Kosovë, me të gjitha kapacitetet që i ka”, thuhet tutje nga kjo ministri.

Pas