Përfaqësuesi i Partisë Demokratike në Këshillin Politik për Reformën Zgjedhore, Oerd Bylykbashi i është përgjigjur “kërcënimit” të kryeministrit Rama sot nga foltorja e Kuvendit se marrëveshja e arritur mund të griset.
“Unë i them edhe njëherë sot Bashës dhe Peco Vasilit, mos dilni të shani dhe shantazhoni. Mos na tundoni se për atë Zot, ajo është një marrëveshje që ka krijuar kushte pozitive për klimën, por për mua nuk është reformë, është një kthim mbrapa për funksion të faktit që Shqipëria të mos bëhet muhabet kafenesh lart e poshtë, por një fije peri e ndan nga grisja pasi këtë fije duhet ta ruajë mirë, se nuk e kemi për borxh që të shpifshin cdo ditë, pasi shumica e shqiptarëve as nuk e pëlqejnë atë marrëveshje dhe nuk i duan listat e mbyllura. Mos kujtoni se jemi noterë të cdo teke, apo cdo koke që ju vendosni, se kur bëhet dhe kur nuk bëhet dhe ti ndalojnë sharjet, kërcënojnë PS-në, se mësimin ua kemi dhënë disa herë dhe prapë do ua japim, por në këtë pikë të mos na shqetësojnë se boll jemi tërhequr përtej cdo lloj pritshmërie edhe nga baza e votuesve tanë, që nuk e kuptojnë pse komisionet nuk u depolitituzuan” tha Rama sot.
Në një studio televizive Bylykbashi tha se është kurioz të shohë se si këputet si fije peri një marrëveshje që është me kontribut të ndërkombëtarëve
“Jam shumë kurioz të shoh se si e këput atë fije peri në një marrëveshje që është me kontribut të ndërkombëtarëve. Por ka marrë që nga vlerësimi i Odhir, nga BE, por edhe nga Pompeo. Jam shumë kurioz ta shoh dhe Ramën se sa kurajo do ketë. Jam shumë kurioz për ata deputetë që tundin letra në dorë se si dalin kundër kësaj. Jam shumë kurioz ti shoh sa trima dalin përpara të gjithë interesit publik shqiptar”, tha Bylykbashi.
Bylykbashi sqaroi edhe mosdakordësinë që kanë hasur me mazhorancën për formulën e KQZ, të propozuar nga opozita.
“Propozimi ynë është certifikuar nga Venecia, është në Kushtetutë, është zbatuar. Është e çuditshme se si PS njëherë e lavdëron dhe njëherë e refuzon. Deri dje refuzimi ishte se procesi duhet të ishte në Parlament. Ne bëmë hapin e dytë, të njëjtin mekanizëm e sposton te kryetari i Kuvendit. Këmbëngulja është kërkesa e mazhorancës, që është një mur që të gjithë vendimet të merren me shumicën e thjeshtë. Ne themi shumicë të cilësuar. Sot është ekzakt kështu, KQZ i merr këto vendime me shumicë të cilësuar. Ne themi që duhet të jetë me shumicë të cilësuar. Vendimet për ankimet duhet të jenë me shumicë të cilësuar”, tha ai. /Opinion.al
