Aktualitet

Marrëveshja e 6 janarit në Ankara, Kushi takon homologun turk


Bëhu pjesë e Grupit Zyrtar të Opinion.al
>> KËTU <<
               Publikuar në : 18:00 - 26/03/21 |
Opi Nion

Ministrja e Arsimit Evis Kushi ka mikpritur ditën e sotmë në zyrën e saj homologun e saj, Ziya Selçuk, Ministër i Arsimit Kombëtar të Turqisë.

Temë e takimit mes dy palëve ka qenë marrëveshja e nënshkruar në Ankara më 6 Janar të këtij viti mes qeverisë shqiptare dhe asaj turke. Kjo marrëveshje parashikon ndër të tjera edhe futjen e gjuhës turke në shkollat shqiptare dhe gjuhës shqipe në shkollat turke.

“Ndërkohë, gjeta rastin të vlerësoj gadishmërinë e palës turke për hapjen filialit të Universitetit Teknik të Stambollit këtu në Shqipëri” – nënvizon Ministrja.

Kushi beson se pas kësaj vizite, por edhe pas hyrjes në fuqi të marrëveshjes, bashkëpunimi midis dy vendeve do të vazhdojë të thellohet jo vetëm në fushën e arsimit, por në të gjitha fushat.

Ministri i Arsimit Kombëtar të Turqisë Selçuk, ka vlerësuar si të rëndësishme nënshkrimin e marrëveshjes së nënshkruar më 6 Janar në kuadër të bashkëpunimit në fushën e arsimit. Ai u shpreh gjithashtu se do të vizitojë nga afër gjimnazin e gjuhëve të huaja “Asim Vokshi”, ku do të shohë nga afër edhe kushtet në të cilat mësimi i turqishtes jepet.

“S’ka dyshim që ne jemi në ndjekje të këtij procesi të zhvillimit të gjuhës turke në Shqipëri. Jam i sigurtë që edhe në të ardhmen, pavarësisht kërkesave që do të jenë në rritje, jam besimplotë që do të ketë rezultate konkrete në të dyja shtetet”- shprehet Ministri./Opinion.al

Pas