Aktualitet

Manastirliu thirrje qytetarëve: Mos ejani vonë në spitale


Bëhu pjesë e Grupit Zyrtar të Opinion.al
>> KËTU <<
               Publikuar në : 11:42 - 26/11/20 |
Opi Nion

Ministrja e Shëndetësisë, Ogerta Manastirliu, nga foltorja e Kuvendit iu ka bërë thirrje shqiptarëve që të mos shkojnë vonë në spital nëse gjendja e tyre shëndetësore nuk është e mirë.

Manastirliu përgënjeshtroi deklaratat e opozitës për mungesë shtretërish në spitale, teksa theksoi se opozita po përdor pandeminë për të ardhur në pushtet.

Më lejoni t’u drejtohem me zemër çdo qytetari. Mos ejani vonë në spitale! Mos dëgjoni ata që flasin e thonë që mjekët nuk shërbejnë, që nuk ka shtretër. Nuk e bëjnë për ju, e bëjnë për ha llin e pushtetit të tyre. Kanë hallet e bizneseve të tyre. Nuk janë kujdesur për ju atëherë kur ju dha mundësia dhe e lanë shëndetësinë në gërmadhë. E lanë shëndetësinë të vuante si një kufomë, është koha të besojmë ekspertët në këtë betejë të vështirë.”, tha Manastirliu.

Gjatë fjalës së saj në Kuvend, Manastirliu deklaroi se sistemi shëndetësor është i përgatitur për të përballuar një fluks maksimal prej 1600 personash të shtruar për shkak të COVID-19.

Spitalet rajonale janë të përgatitura, me investimin e kryer për linjat e oksigjenit të dedikuara dhe aparaturat në reanimacione, ndërkohë që janë trajnuar në vazhdimësi stafet. Skenarët tanë përfshijnë kapacitetet prej 1600 shtretërish në të gjithë sistemin për të përballuar këtë epidemi”, tha ministrja.

Ministrja Manastirliu theksoi gjithashtu se po rriten kapacitetet laboratorike, spitalore si kudo në vendet e tjera, për të përballuar situatën e pandemisë.

Dyfishuam numrin e respiratorëve, ventilatorëve, pajisjeve në reanimacione. Punuam gjatë këtyre muajve për të punësuar mbi 270 punonjës shëndetësorë të dedikuar për të shërbyer në spitalet Covid. 7 milion euro ka qenë mbështetja e deritanishme për bonusin special, 1 mijë euro dhe 500 euro për stafet në frontin Covid”.

Ndërsa sa i takon testimeve Manastirliu tha se janë rritur 5 herë në krahasim me muajin qershor, ndërsa me testet e antigenit që priten të vijnë në vend brenda dhjetorit, synohet gjurmimi i mëtejshëm të virusit.

Rritëm 5 herë testimet krahasuar me muajin qershor. Me testet e antigenit që i presim brenda dhjetorit, synojmë gjurmimin e mëtejshëm të virusit. Nga dje, ka mbërritur sasia e fundit, 230 mijë vaksina për gripin. Pajisëm strukturat tona me linjat e oksigjenit në mënyrë që asnjë spitali të mos i mungojë.  3.9 milionë euro janë paguar për vaksinën anti-covid e cila do të jetë falas” tha Manastirliu./ Opinion.al

 

Pas