Aktualitet

1 vit pas tërmetit/ Soreca dhe Varhelyi: Po punojmë për rindërtimin


Bëhu pjesë e Grupit Zyrtar të Opinion.al
>> KËTU <<
               Publikuar në : 12:06 - 26/11/20 |
Opi Nion

Përfaqësues së Bashkimit Europian kanë dhënë mesazhe solidaritetit në një vjetorin e tërmetit të 26 nëntorit.

Në një postim në rrjete sociale, ambasadori i Bashkimit Europian, Luigi Soreca ka përkujtuar 51 jetët e humbura, ndërsa thekson se tani po punojmë për rindërtimin.

“Më 26 nëntor 2019  Shqipëria u godit nga një tërmet shkatërrues. Një vit më pas, ne kujtojmë 51 viktimat e asaj dite të tmerrshme dhe solidaritetin e BE dhe shteteve anëtare ndaj popullit shqiptar. Tani ne punojmë për rindërtimin! Së bashku më të fortë!”, shkruan ambasadori.

Ndërsa komisioneri për Zgjerimin Oliver Varhelyi, thotë se Bashkimi Europian do të qëndrojë në krah të Shqipërisë për rindërtimin e shkollave dhe objekteve kulturore, ndërkohë që vlerëson solidaritetin e Konferencës së Donatorëve në shkurt.

“Një vit pas tërmetit shkatërrues në nëntor 2019 në Shqipëri dhe pas solidaritetit të madh të treguar në Konferencën e Donatorëve të organizuar nga Komisioni Europian në shkurt, Bashkimi Europian vazhdon të qëndrojë pranë Shqipërisë për të riparuar shkollat ​​dhe vendet e trashëgimisë kulturore.

Një vit pas tërmetit shkatërrues që goditi Shqipërinë, Bashkimi Evropian po rehabiliton dhe rindërton 58 ambiente arsimore për 20 000 studentë. BE mbështet rehabilitimin e trashëgimisë kulturore të Shqipërisë që u dëmtua nga tërmeti”, shkruan Varhelyi në Twittër./Opinion.al

Pas