Aktualitet

Manastirliu: Jemi të gatshëm edhe për dozën e tretë


Bëhu pjesë e Grupit Zyrtar të Opinion.al
>> KËTU <<
               Publikuar në : 12:49 - 05/10/21 |
Opi Nion

Ministrja e Shëndetësisë, Ogerta Manastirliu shprehet se Shqipëria është e përgatitur edhe për sigurimin e vaksinave për dozën e tretë.

Në komisionin e Shëndetësisë, ministrja tha se qeveria shqiptare do të rrisë edhe më tej diponibilitetin e vaksinave, duke e siguruar 5 milionë vaksina deri në 2022.

Manastirliu tha se qeveria do të paguaj vitin e ardhshëm 30 milionë dollarë për të vazhduar marrjen e vaksinave. Ministrja tha se deri më tani janë siguruar mbi 2 milionë doza vaksine, deri në fund të vitit do të arrijë në 3 milionë doza.

 “Jemi krenar për vaksinimin pasi kur ne kemi nisur vaksinimin një pjesë e vendeve në Ballkan, nuk kishin akoma asnjë vaksinë. Në vitin 2022 do paguajmë 30 milionë dollarë për të vazhduar marrjen e vaksinave. Jemi një vend me përqindje të lartë në rajon që kemi vaksinuar qytetar me 2 doza. Detyra e qeverisë shqiptare është që të sigurojë vaksinat që dhe ne të arrijmë planin dhe qeveria shqiptare e ka bërë dhe do vijojë ta bëjë. Tani kemi siguruar mbi 2 milion doza vaksine, deri në fund të vitit arrijmë 3 milion doza dhe deri vitin e ardhshëm janë 5 milion doza vakisne të siguruara. Pra ne jo vetëm kemi siguruar 4.4 milion doza për popullatën target, por deri vitin e ardhshëm do sigurojmë mbi 5 milion vaksina, për të vijuar edhe me skenarët e tjerë”,-deklaroi Manastirliu./ Opinion.al

Pas