Rajoni

Mali i Zi nuk iu hapi kufijtë, Serbia apel qytetarëve të kuptojnë mesazhin


Bëhu pjesë e Grupit Zyrtar të Opinion.al
>> KËTU <<
               Publikuar në : 13:43 - 26/05/20 |
el ida

Ministrja e Transportit e Serbisë, Zorana Mihajlloviq, u shpreh se vendimi i Malit të Zi për të mos hapur kufijtë me Serbinë është në kundërshtim me parimet e lirisë së lëvizjes, mbi të cilat bazohet Bashkimi Evropian, dhe se nuk u kontribuon marrëdhënieve të fqinjësisë së mirë në rajon.

“Mali i Zi, në procesin e integrimit evropian, ka përparuar më shumë se Serbia dhe disa vende të tjera të rajonit. Në përputhje me këtë, ai do të duhej të ishte shembull për të tjerët. Por, në vend të kësaj, midis njerëzve krijohen artificialisht barriera”, u shpreh Mihajlloviq.

“Det nuk ka vetëm në Mal të Zi, dhe unë besoj se qytetarët tanë do ta kuptojnë këtë mesazh”, shtoi ajo, duke iu lënë qytetarëve të nënkuptojnë se duhet t’i bojotojnë pushimet në atë shtet.

Qeveria e Malit të Zi ka bërë të ditur se me cilat vende do t’i rihapë kufijtë, të cilët janë mbyllur për të frenuar përhapjen e koronavirusit. Në mesin e tyre janë, Shqipëria, Kroacia, Sllovenia, Austria, Gjermania, Polonia, Republika Çeke, Hungaria, dhe Greqia.

Sipas autoriteteve malazeze, ato i kanë plotësuar kushtet e duhura epidemiologjike të Institutit të Shëndetit Publik, pasi përkatësisht kanë deri në 25 të infektuar me koronavirus në 100,000 banorë.

Marrëdhëniet midis Serbisë dhe Malit të Zi janë tensionuar nga fundi i vitit të kaluar, kur Kuvendi malazez ka miratuar një ligj për liritë fetare, që thuhet se konteston pronësinë serbe mbi disa kisha dhe territore në Mal të Zi./Opinion.al

Pas