-U tha në Opinion

Luan Rama: Çfarë i kërkoi Presidenti opozitës. Ne gati për zgjedhje


               Publikuar në : 22:31 - 19/11/19 |
Geljano Fataj

Presidenti Ilir Meta takoi sot krerët e opozitës joparlamentare, ku veç Gjykatën Kushtetuese, duket se është folur dhe për zgjedhje të parakohshme. Luan Rama, nga LSI, tha këtë të martë në emisionin Opinion se Presidenti ka informuar palët me gjithë dokumentet, faktet dhe argumentet që ai ka jo vetëm për Gjykatën Kushtetuese.

“Presidenti le ta themi se ka bërë presion pozitiv, për përfshirjen e opozitës në reformën zgjedhore, për të bërë të mundur reflektimin e rekomandimeve të OSBE/ OHDIR-it dhe pas reformës zgjedhore të shkohet në zgjedhje të parakohshme”, tha zoti Rama.

Po ashtu ai theksoi se: “Opozita është e gatshme, të marrë pjesë në zgjedhje që të dielën më të parë të nëntorit”.

I pyetur drejtpërdrejt nëse duhet që Presidenti të shpërndajë Parlamentin, Luan Rama tha: “Këto janë çështje që i përkasin presidentit. Presidenti është duke ushtruar detyrën e vetë dhe po konteston gjithë ilegjitimitetin e këtij Parlamenti. Presidenti nuk e njeh atë parlament sepse nuk e lejon Kushtetuta. Shteti sot është i rënë, institucionet legjitime të këtij vendi dhe Kuvendi dhe qeveria janë në ilegjitimitet. I vetmi institucion sot në këtë vend është President. Kryeministri nuk është legjitim, sepse ka dalë nga vota e vjedhur. Aty është formësuar një Kuvend me vullnetin e grupeve kriminale, jo të votave të qytetarëve. Sot ne jemi përballë provave konkrete, vetë kuvendi sot nuk ka 140 deputetë”./ Opinion.al

Pas