Politikë

Lleshaj bën bilancin:Sekuestruam 55 milionë euro, 170 persona të arrestuar


               Publikuar në : 17:31 - 12/09/19 |
Opi Nion

Ministri i Brendshëm, Sandër Lleshaj, ka reaguar në lidhje me aksionin e koduar “LIMIT”, ku ranë në pranga 57 persona, të cilët akuzohen për trafikim të lëndëve narkotike.

Lleshaj e ka cilësuar këtë aksion si një sukses të autoriteteve, ndërsa thekson se vetëm gjatë këtij viti ka finalizuar 28 operacione në fushën e narkotikëve, duke arrestuar gjithsej 170 persona dhe sekuestruar rreth 55 milion euro e shumë gjëra të tjera.

Ministri shton se: “Lufta kundër krimit të organizuar do të njohë vetëm përshkallëzim të mëtejshëm në funksion të përmbushjes së objektivave të mëdha për një Shqipëri të zhvilluar, demokratike dhe europiane.”

Mesazhi i Lleshajt:

Operacioni ndërkombëtar “LIMIT” shkatërroi sot katër grupe te organizuara kriminale me veprimtari në fushën e narkotikëve. 57 persona, në Greqi dhe në Shqipëri janë vënë përpara ligjit.
Ky është një sukses shumë i madh i Policisë së Shtetit, Prokurorisë së Krimeve të Rënda, agjencive të tjera dhe partnerëve tanë ndërkombëtarë. “LIMIT” është kulmi i një serie të madhe goditjesh që krimi i organizuar ka marrë këtë vit.

Vetëm gjatë këtij viti, “FORCA E LIGJIT” ka finalizuar 28 operacione, në fushën e trafikut të narkotikëve janë arrestuar gjithsej 170 persona, janë sekuestruar rreth 55 milion Euro dhe shumë gjëra të tjera. Por asgjë nuk mbyllet me kaq. Operacioni vazhdon. Lufta kundër krimit të organizuar do të njohë vetëm përshkallëzim të mëtejshëm në funksion të përmbushjes së objektivave të mëdha për një Shqipëri të zhvilluar, demokratike dhe europiane.

Përgëzimet më të mira për Policinë e Shtetit, Prokurorinë e Krimeve të Rënda, agjencitë e tjera shqiptare të përfshira si dhe për partnerët ndërkombëtarë të angazhuar në këtë operacion 🇦🇱👩✈👮♂🇪🇺/ Opinion.al E.Xh.

Pas