Mëngjesin e sotëm në ambientet e Drejtorisë së Përgjithshme të Policisë së Shtetit po prezantohet Drejtori i ri i Policisë së Shtetit Gledis Nano, i cili mori detyrën një ditë më parë.
Gledis Nano do të drejtojë Policinë e Shtetit duke zvendësuar kështu, Ardi Veliun.
Kandidatura e tij u firmos nga zv/Kryeministri Arben Ahmetaj në mungesë të Kryeministrit Edi Rama.
Para se të merrte detyrën e drejtorit të Policisë së Shtetit, Gledis Nano ka qenë drejtor i strukturës së anti-Terrorit.
Emri i Gledis Nanos spikati publikisht veçanërisht në operacionet e kthimit të grave dhe fëmijëve nga kampet e refugjatëve në Siri. Pikërisht për kontributin e tij në luftën kundër terrorizmit, në muajin gusht, Geldis Nano u vlerësua me një çertifikatë mirënjohjeje nga Ambasadorja Yuri Kim, në emër të Qeverisë Amerikane./Opinion.al
