Policia ka vazhduar operacionin “Plazh i lirë”, për lirimin e hapësirave publike në vijën bregdetare në Durrës dhe në Lezhë. Sipas njoftimit zyrtar thuhet se janë liruar 3500 m2 plazh, pronë publike, e zaptuar në mënyrë të kundërligjshme.
Në Durrës janë proceduar penalisht 3 pronarë të subjekteve tregtare për veprat penale “Fshehja e të ardhurave” dhe “Zënia e hapësirave publike” si dhe 3 të tjerë për “Zënia e hapësirave publike”. Në “rrjetë” ka rënë dhe Drejtori i Drejtorisë së Taksave dhe Tarifave Vendore në Bashkinë Durrës, i akuzuar për veprën penale “Shpërdorim detyre”.
Ndërkohë në Lezhë, janë proceduar penalisht tre shtetas, njëri prej tyre me detyrë Drejtor në Drejtorinë e Taksave dhe Tarifave Vendore në Bashkinë Lezhë./ Opinion.al
