Fillimi i korrikut ka shtuar fluksin e vizitorëve në bregdetin e Lezhës. Edhe autoritetet kanë shtuar vigjilencën për ta mbajtur mjedisin të pastër. Puna është fokusuar te plazhi publik.
“Përveç ndërhyrjeve që kryejnë grupet e punës çdo ditë në zonat e administruara nga Bashkia e Lezhës, ne kemi aktivizuar edhe mjetet që bëjnë pastrimin e plazhit për të hequr çdo mbetje. Aktualisht jemi në zonën e Kunes, që është kryesisht zonë publike dhe për ne është shumë e rëndësishme që të nesërmen, kur të kthehen pushuesit, të gjejnë një ambient të pastër.”
Autoritetet kërkojnë edhe bashkëpunimin e qytetarëve.
“Ne kërkojmë dhe sensibilizimin e qytetarëve që të grumbullojnë mbetjet e tyre dhe të mos i lënë të shpërndara në ambient, pasi kështu na ndihmojnë të veprojmë edhe më shpejt.”
Bregdeti i Lezhës është ndër më të frekuentuarit në vendin tonë, ndërsa preferohet jo vetëm Shëngjini dhe Rana e Hedhur, por edhe plazhi i Kunes.
Klan News
