Aktualitet

“Lehtëson trafikun”, Balluku tregon kur do të hapet Bypassi i Vlorës


Bëhu pjesë e Grupit Zyrtar të Opinion.al
>> KËTU <<
               Publikuar në : 13:35 - 26/05/21 |
Opi Nion

Ministrja e Infrastrukturës dhe Energjisë, Belinda Balluku ka deklaruar se Bypass-i i Vlorës do të hapet më 15 korrik në mënyrë provizore për të lehtësuar trafikun gjatë sezonit turistik.

Ditën e sotme Balluku inspektoi nga afër punimet në këtë rrugë, ku theksoi se ky aks rrugor do të ketë shumë sinjalistika provizore, me qëllim për të kontrolluar trafikun dhe për të shmangur aksidentet.

“Vijon puna në bypass e Vlorës, një arterie shumë e rëndësishme ku prej muajsh punohet intensivisht që të jetë e hapur (edhe pse jo e përfunduar) për qarkullimin e automjeteve gjatë këtij sezoni turistik, duke e shkurtuar ndjeshëm lëvizjen drejt bregdetit të jugut. Kemi inspektuar të gjithë kantierin dhe për të diskutuar me inxhinierët dhe tekniket për të gjitha problematikat e hasura dhe për ta hapur këtë vepër në mënyrë provizore gjatë periudhës së sezonit. Do të lehtësohet trafiku e një rrugë të rëndësishme nga Radhima te Kalaja në Vlorë.  Më 15 korrik do të hapet së bashku me sezonin turistik. Do të ketë sinjalistikë të shtuar provizore që do të ndihmojë si ne edhe Policinë Rrugore për të pasur një procesim të mirë të trafikut edhe pa aksidente”, tha Balluku./Opinion.al

Pas