Bota

Lavrov akuzon NATO-n dhe Evropën për nxitjen e tensioneve


               Publikuar në : 17:21 - 15/02/20 |
xhu lia

Ministri i Jashtëm rus, Sergei Lavrov ka akuzuar NATO-n dhe Evropën se po nxisin tensione në kontinent, teksa i ka bërë thirrje liderëve botërorë që të “heqin dorë nga kërcënimi fantazëm rus”.

Lavrov i bëri këto komente gjatë Konferencës së Sigurisë në Mynih, ku nuk përmendi fare krizën në Ukrainë, ku për pothuajse gjashtë vjet po zhvillohen luftime ndërmjet forcave ukrainase dhe luftëtarëve të mbështetur nga Rusia.
Lufta në lindje të Ukrainës dhe aneksimi i Krimesë nga Rusia kanë bërë që shtetet perëndimore të vendosin sanksione ndaj Moskës. Po ashtu, Rusia është përjashtuar nga Këshilli i Evropës, si pasojë e aneksimit të gadishullit ukrainas të Krimesë.

Lavrov sugjeroi se NATO duhet të fajësohet për tensionet me Rusinë, përfshirë këtu rritjen e prezencës viteve të fundit të ushtrive perëndimore në shtetet e Baltikut dhe Poloni.

“Kriza e besimit veçanërisht ndihet në çështjet evropiane. Nxitja e tensioneve, përparimi i infrastrukturës ushtarake të NATO-s në Lindje, ushtrimet ushtarake në një shkallë të pashembullt në afërsi të kufijve të Rusisë, rritja e buxheteve të mbrojtjes përtej çdo mase, të gjitha këto gjenerojnë pasiguro. Përpara se të jetë vonë, ju të gjithë duhet të hiqni dorë nga kërcënimi fantazëm rus… kujtoni çfarë na bashkon”, -u shpreh ai.

Vitin e kaluar, Këshilli i Evropës votoi pro kthimit të pjesëmarrjes së Rusisë në këtë organizatë. Më herët gjatë ditës, presidenti ukrainas, Volodymyr Zelenskiy, bëri thirrje që shteti i tij të vazhdohet të ndihmohet nga shtetet evropiane, në luftën kundër Rusisë.

Pas