Kryetarja e Partisë Socialiste për Integrim Monika Kryemadhi ndodhej në Fier ku theksoi se të rinjtë që po emigrojnë në masë nga Shqipëria bëjnë me faj politikën dhe për këtë arsye ajo i jep të drejtë.
Gjatë fjalës së saj Kryemadhi tha se ajo dhe opozita janë fajtorë pasi treguan indiferencë ndaj Ramës, dhe nuk ja kujtuan më shpesh 300 mijë vendet e punës që ai hapi. Gjithashtu ajo e cilësoi Ramën si një vrasës të punësimit. “
”Ju e patë se si një mësues donte të abuzonte me një nxënëse. E shihni se si rriten faturat e energjisë elektrike, ujit dhe ato të Bashkisë. Shihni si rriten faturat e kopshtit apo shkollave. Kjo ka sjellë që shqiptarët të largohen. Të ndihen të rrezikuar por edhe të varfër.
Bashkë me taksat e larta, çmimet e larta, por edhe mungesa e shërbimeve shqiptarëve i shtohen edhe malli për fëmijët. Vetëm vitin e kaluar emigrimi u rrit me 22 %. Diplomohen, shkollohen dhe largohen më pas pasi nuk kanë mundësi punësimi këtu.
Shkuam në SHBA, takuam disa të rinj që po shkolloheshin por kishin vetëm një merak që të ktheheshin në Shqipëri. Por ama nëse do të martoheshin aty ata premtuan se nuk do të ktheheshin pasi donin shkollim dhe shërbime të njëjta në Shqipëri si në SHBA. Ata fajësonin politikën. Ne kemi faj, pasi nuk ja kemi kujtuar Ramës 300 mijë vendet e punës. Ai jo vetëm që nuk hapi aq, por mbylli vende pune, biznese, dhe la në rrguë familje duke rritur madje edhe kostot, çmimet edhe taksat.
Rama rriti 2- fish faturën e energjisë elektrike. Faturën e TVSH-së e çoi 20% dhe rriti edhe çmimin e energjisë elektrike. Kemi sjellë sot që populli dhe shqiptarët të ndihen inferior ndaj tij, Edi Ramës që është vetëm një vrasës i punësimit.”- u shpreh ndër të tjera në fjalën e saj Kryemadhi./Opinion.al/
