Aktualitet

Kush do jetë ministri kurban i radhës?Basha:Fjalë ka plot, precedentët janë se…



Bëhu pjesë e Grupit Zyrtar të Opinion.al
>> KËTU <<
               Publikuar në : 13:26 - 17/02/22 |
Opi Nion

Jashtë dyerve të parlamentit, kreu i PD, Lulzim Basha është pyetur nga gazetarët se kush do të jetë ministri që do të bëhet kurban i radhës i Kryeministrit Edi Rama për aferën e inceneratorëve.

Basha është shprehur se fjalë ka plot, por ai nuk u referohet fjalëve por precedentëve. Më tej Basha, tha se precedentët janë që sa herë drejtësia i afrohet një ministri ai ministër jep dorëheqjen.

“Fjalë ka plot. Siç i kam dëgjuar unë i keni dëgjuar ju. Po unë s’iu referohem fjalëve por precedentëve. Dhe precedentët janë që sa herë drejtësia ashtu siç është nën presion publik dhe të PD sa herë i janë afruar një ministri ai ministër ka dhënë dorëheqjen pastaj është bërë subjekt i drejtësisë. Ky ka qenë rasti i  Saimir Tahirit dhe Lefter Kokës. Përvoja na tregon se këta ndjekin një praktikë sa herë drejtësia i afrohet një prej krerëve politikë shtyhet jashtë radhëve dhe mundohen pastaj me lloj –lloj marifetesh të zgjasin procesi. E kujdo të jetë radha nuk mbaron radha pa shkuar te i pari i punës që është i pari i qeverisë”./Opinion.al

Pas