Aktualitet

Kupa e Botës në Shqipëri, Rama: Garda mos pengojë vizitorët


Bëhu pjesë e Grupit Zyrtar të Opinion.al
>> KËTU <<
               Publikuar në : 15:43 - 22/05/22 |
Opi Nion

Kupa e Botës ka mbërritur në Shqipëri. Ka qenë kryeministri Rama, i cili në ceremoninë e pritjes së Kupës ka thënë se ky është lajm i mirë për sportdashësit.

Por nuk munguan batutat gjatë fjalës së kreut të qeverisë shqiptare. Rama tha me humor se dogana shqiptare për herë të parë u përball me zhdoganimin e dy kupave.

Më tej Rama ftoi Gardën e Republikës që mos u hapë problemeve vizitorëve nëse ata do të jenë të shumtë në numër.

“Jam mirënjohës njërit prej kampionëve të Brazilit që solli kupën këtu. Kur e sheh nga afër duket sikur është bërë nga një skulptor italian dhe i bërë posaçërisht për Brazilin. Nuk kishte askush më mirë sesa një kampion brazilian të vinte këtu dhe të ishte me kupën.

Këto janë ditë të veçanta për doganën shqiptare, sepse për herë të parë u ndeshën me zhdoganimin e dy kupave, të botës dhe ajo e konfederatës. Janë nga ato halle që do të donim ti kishim edhe më të shumta në të ardhmen. Edhe pse orët e qëndrimit janë sa gishtat e dorës, sepse më pas do vazhdoje udhëtimin e saj. Uroj që sa më shumë futbolldashës të kenë mundësoi ta vizitojnë dhe uroj që garda mos ti krijojë probleme.

Shikoj që mes të tjerash këtu është edhe kapiteni ynë, Lorik Cana. Më thënë të drejtën unë nuk e di kush është kapiteni ynë i Kombëtares sot. Të gjithë ata që e ndjekin Lorikun janë si zëvendës të tij. Mbase vjen dita ta fitojmë edhe në një kupë”, tha Rama.

Ne fund kryeministri shqiptar mori si dhurate nga FIFA një Kupë Bote në miniaturë.

 

Pas