Arabia Saudite ka mposhtur me përmbysje Argjentinën e “Messit” me rezultatin 2-1, e vlefshme për Grupin C të Botërorit “Katar 2022”.
Leo Messi shënoi i pari me 11-metërsh, që u fitua nga Paredes.
Argjentina shënoi dy herë me Lautaro Martinezin, në minutat 28′ dhe 35′, por në të dyja rastet sulmuesit të Interit i është mohuar goli.
Pjesa e dytë nisi me dominimin e Arabisë Saudite që menjëherë gjetën golin, në minutën e 48′ me anë të Al Shehrinë, falë një aksioni model.
Ndërsa goli i përmbysjes së madhe erdhi 5 minuta më vonë, ekzaktësisht në minutën e 53′ falë një supergoli nga distanca e Al Dausari.
Argjentina e nis kështu Botërorin në Katar në mënyrën më të keqe, ndërsa Sauditët bëjnë surprizën e madhe deri më tani në këtë edicion.
