Aktualitet

“Kufoma politike”, Rama për Bashën dhe Berishën: Valle të marrësh buzë humnerës  


Bëhu pjesë e Grupit Zyrtar të Opinion.al
>> KËTU <<
               Publikuar në : 21:41 - 17/12/21 |
Opi Nion

Kryeministri Rama e ka cilësuar një histori të marrësh konfliktin mes Bashës dhe Berishës në PD, ndërsa tha se PD për këtë arsye do të bjerë në humnerë.

“Është një histori të marrësh, është një telenovele e shëmtuar”, tha Rama në emisionin “Zonë e lirë”, ku e cilësoi përplasjen në PD si një luftë për pushtet.

Ndërhyrjes së gazetarit Çani që e krahasoi këtë përballje me atë mes Ramës dhe Nanon, kryeministri iu përgjigj:

“Ka luftë për pushtet që është legjitime, me Nanonn si Kryeministër dhe kryetar partie ku ylli i PS po perëndonte dhe shkonte drejt rënies në opozitë me një njeri që bëhet sfidant.

Kurse në vendin tonë, pas 31 vjetësh liri dhe përpjekje të vazhdueshme për të ndërtuar një sistem demokratik të dali një njeri non grata pasi ka qenë president, kryeministër dhe damkoset si një nga personat që përbëjnë listën e zezë të SHBA është shumë e dhimbshme dhe shumë e rëndë. Që ky njeri të kthehet në personin që predikon shpëtim është marrëzi, Është tragji-komike, është groteske.

Dhe nga ana tjetër është marrëzia e atij tjetrit. Është një valle të marrësh në buzën e humnerës ku do të bjerë PD që është pozita kryesore e Shqipërisë”, tha Rama duke e konsideruar Bashën dhe Berishën kufoma politike./Opinion.al

Pas