Aktualitet

“Ku është policia në mes të Tiranës?” Braçe reagon ashpër pas aksidentit të rëndë


Bëhu pjesë e Grupit Zyrtar të Opinion.al
>> KËTU <<
               Publikuar në : 11:37 - 11/11/21 |
Opi Nion

Deputeti i Partisë Socialiste, Erion Braçe, ka reaguar ashpër pas aksidentit të rëndë të ndodhur gjatë orëve të natës në kryeqytet.

Përmes një postimi në rrjetet sociale, Braçe rendit shkeljet që ka bërë shoferi, i cili ka shkaktuar aksidentin dhe drejton një pyetje, ku është policia në mes të Tiranës?

Kujtojmë se aksidenti ka ndodhur në orët e para të mëngjesit, teksa gdhihej e enjtja, ku dy persona humbën jetën në një aksident tragjik në kryqëzimin e “21 Dhjetorit”.

Luan Cenollari, punonjës i Policisë së Burgjeve, i cili natën punonte edhe si taksist, për të çuar disa të ardhura më shumë në familje, humbi jetën bashkë me klientin.

Makina e tij u përplas nga një “Citroen” që drejtohej nga shtetasi Emirjan Doko, që sipas policisë ishte i dehur dhe hyri me semafor të kuq.

PËR QARTËSI;

  1. Në qarkullim në orë 3.20 të mëngjesit, pra nën ndalimin e orës policore;
  2. I dehur, pra i sapo çuar nga ndonjë mejhane e hapur edhe pse nën ndalimin e orës policore;
  3. Me shpejtësi, pra i ndaluar në çdo orë të ditës, në orën policore i ndaluar fare fare;
  4. Vijon rrugën me semafor të kuq, pra i ndaluar ta bej në çdo orë të ditës, në orën policore nuk duhet të lëvizte fare fare;

Atëherë:

KJO ËSHTË VRASJE E QELLIMTË E DY SHTETASVE!

Në anë tjetër;

KAQ SHUMË SHKELJE LIGJI, PO POLICIA KU ËSHTË NË MES TË TIRANËS?!

E fundit;

NUK LUFTOHET PANDEMIA ME GJASME, HEM SI SEMUNDJE INFEKTIVE, HEM SI PANDEMI E PALIGJSHMERISE, HEM SI PANDEMI E VRASJEVE NE RRUGE!”,-ka shkruar Braçe në reagimin e tij.

Pas