Kryesore

Kriza energjitike, PD: Qytetarët do paguajnë te rritja e faturës së ushqimeve


Bëhu pjesë e Grupit Zyrtar të Opinion.al
>> KËTU <<
               Publikuar në : 19:58 - 09/10/21 |
Opi Nion

Partia Demokratike ka theksuar edhe njëherë qëndrimin e saj se ajo që po ndodh në Shqipëri nuk është krizë energjitike por krizë korrupsioni dhe keqmenaxhimi.

Në një dalje për mediat nga selia blu, nënkryetarja e PD Grida Duma i është kundërpërgjur kryeministrit Edi Rama mbi planin e prezantuar duke thënë se plani i vërtetë është të marrë borxh që OSHEE dhe KESH të vazhdojnë të bëjnë tendera e të fitojë para një grusht njerëzish.

“Prej ditësh Partia Demokratike ka thënë që nuk është çështje e krizës energjitike, por se pari e mbi te gjitha krizë korrupsioni dhe keqmenaxhimi. Asnjë fjalë për energjinë. Madje u shiti si lajm të jashtëzakonshëm që nuk do të ketë ndërprerje të energjisë.

Ndërkohë plani i vërtetë është të marrë borxh që OSHEE dhe KESH të vazhdojnë të bëjnë tendera e të fitojë para po ai grusht njerëzish që e hapi këtë gropë, që në asnjë rast nuk vjen nga jashtë, por nga shushunjat e korrupsionit që gjallojnë në ekosistemin e kësaj pakice. Dhe nuk janë pak. 200 milionë euro, që do të shkojnë për të arnuar me paratë e konsumatorëve e sipërmarrësve ato kafshatat milionëshe  që shqyen për orekset e tyre këtë verë.”, tha Duma.

Sipas Dumës qytetarët do ta paguajnë energjinë te rritja e faturës së ushqimeve, shërbimeve, sepse ligjisa e ekonomisë e çon zinxhr faturën finale te konsumatori.

“Deklamoi një plan për të mbrojtur shtresat në nevojë nga rritja e çmime, por në fakt u tha vazhdoni të paguani njësoj sepse nuk kemi para për t’ju rritur paga e pensione. Të tjerët, sipërmarrësit e ndershëm që luftojnë për të mbajtur hapur dyert e dyqaneve apo fabrikave, që mbajnë gjallë motorin e ekonomisë, do të duhet të paguajnë faturën e keqmenaxhimit dhe korrupsionit. Janë ata që do ta paguajnë rritjen e energjisë.

Por nuk janë vetëm ata. Qytetarët do ta paguajnë energjinë te rritja e faturës së ushqimeve, shërbimeve, sepse ligjësia e ekonomisë e çon zinxhir faturën finale te konsumatori, pra te familjarët. Askush nuk do të shpëtojë. E pra, me ekrane të harlisura, ku mbron të pambrojtshmen, me pak fjalë tha që ju jeni shumë mirë. Që ekonomia juaj është shumë mirë. Që varfëria nuk ekziston. Që shtresa e mesme lulëzon. Që miqtë e tij që po plaçkitin, prona publike e private, tendera sekret e publik, nuk e dëmtojnë as konkurrencën dhe tregu e lirë, dhe sigurisht as ju dhe as familjet tuaja”, tha Duma.

Pas