Kronikë

“Kot rroj”, babai i teknikut të kondicionerëve që u vra në Tiranë, helmohet me fostoksinë



Bëhu pjesë e Grupit Zyrtar të Opinion.al
>> KËTU <<
               Publikuar në : 15:39 - 17/09/22 |
Opi Nion

Për 3 vite ka jetuar me dhimbjen e vrasjes së të birit, e nuk mundi të rezistojë më tepër. Baftjar Çela, i ka dhënë fund jetës me fostoksinë, në banesën e tij në në Mallakastër. Ai humbi djalin e vetëm Indrit Çelaj 22 vjeç, i cili punonte si teknik kondicionerësh në kryeqytet.

Pas një debati për tubin e kondicionerit me vëllezërit Albano dhe Griseldo Kusi, ky i fundit e qëlloi të riun me një plumb në kokë. Gjykata dha dënimin me 12 vite burg Griseldo Kusin dhe me 2 vite burg vëllain e tij, Albano Kusi.

Por familja e të riut ka kërkuar dënimin maksimal dhe ky vendin e ka rënduar gjendjen e  63-vjeçarit, që ka shkuar drejt aktit ekstrem.

Kunata e Batjar Çelaj deklaroi për New 24 se ai e kish vuajtur gjate gjithë kësaj kohe që autoret nuk kanë marrë dënimin maksimal dhe nuk e ka përballuar dot.

“Nuk e përballonte dot atë të djalit. Thoshte gjithmonë më është dobësuar zemra, kot që rroj në këmbë. Nuk e duronte dot, ishte jashtë mase i tronditur. Ai ishte tepër, tepër i mërzitur nga jeta, nuk e përballonte dot. Thoshte kot që rroj, nuk e përballoj dot, përse më la mua këtu thoshte”, rrëfeu e afërmja e viktimës./Opinion.al

 

 

 

 

 

Pas