Vetëm dy ditë para e se Asambleja Përgjithshme e INTERPOL-it të votonte nëse Kosova do të jetë pjesë e saj, Kosova ka tërhequr kërkesën për anëtarësim.
Kryeministri në detyrë i Kosovës Ramush Haradinaj, përmes një letre të dërguar të martën Asamblesë së INTERPOL-it, njoftoi se Kosova ka vendosur të kërkojë shtyrjen e votimit për anëtarësim për vitin e ardhshëm.
“Duke marrë parasysh rrethanat e krijuara, bazuar në kompetencat e tij si kryeministër në detyrë dhe nga rekomandimi i Ministrisë së Punëve të Jashtme, sot ka kërkuar shtyrjen e votimit të Kosovës për anëtarësim në INTERPOL për vitin e ardhshëm” thuhet në një njoftim të shkurtër të zyrës së Haradinaj.
Zyrtarët e Beogradit e cilësuan këtë tërheqje si fitore diplomatike ndaj Kosovës. Në nëntor të vitit të kaluar Kosova nuk arriti të sigurojë votat e mjaftueshme për t’u bërë anëtare e INTERPOL. Pak ditë pas atij votimi, Kosova u vuri tarifa 10% mallrave nga Serbia të cilat më pas u ngritën në 100%, në shenjë kundërshtimi për qasjen e Serbisë ndaj shtetësisë së Kosovës.
Vendimi çoi në pezullimin e bisedimeve ndërmjet Prishtinës dhe Beogradit për normalizimin e marrëdhënieve. /Opinion.al
