Kryesore

Kosova nuk merr ftesë nga Biden për Samitin, reagime nga politika: Këmbanë alarmi


Bëhu pjesë e Grupit Zyrtar të Opinion.al
>> KËTU <<
               Publikuar në : 22:43 - 05/11/21 |
Opi Nion

Lajmi i prestigjozes “Politico”, se Kosova nuk do të jetë e ftuar nga Presidenti Biden për Samitin e Demokracive që do të mbahet virtualisht në dhjetor të këtij viti, ka shkaktuar reagime në politikën Kosovare. Sipas gazetës listës prej 100 vende i mungojnë Kosova, Serbia, Bosnja e madje dhe Hungaria e Victor Orban.

Ish-kryenegociatorja e Kosovës në dialogun teknik me Serbinë, Edita Tahiri, shprehet se tashmë Kurti do t’i dallojë më mirë ngjyrat!.

“Shtepia e Bardhë nuk e ftoi Kosovën në Samitin e Demokracise te organizuar nga Presidenti Amerikan Joe Biden. Mbas tash besoj se Kurti do t’i dalloj më mirë ngjyrat!”, shprehet Tahiri.

Për kreun e AKR Behgjet Pacolli, me këtë mosftesë, KUrti mori atë që donte. “Kryeministri Kurti mori atë që donte. Nga Shtëpia e Bardhë, jo e kuqja, apo e gjelbërta, u vendos në grupin e shteteve që kanë vijë të kuqe nga Shtëpia e Bardhë”, shprehet ndër të tjera Pacolli.

Për kreun e AAK Ramush Haradinaj, mosftesa e Kosovës është një sinjal alarmi.

“Mos-ftesa e Kosovës në Samitin e Uashingtonit duhet të na shqetësojë të gjithëve pa dallim dhe të shërbejë si sinjal alarmi për shkallën e degradimit të raporteve me ShBA-të si rezultat i qeverisjes së Albin Kurtit. Aftësitë eksperimentale dhe manipuluese të kryeministrit Kurti në emër të Kosovës në raportet me ShBA-të, janë të papranueshme dhe nuk duhet të tolerohen nga askush”, është shprehur Haradinaj./Opinion.al

 

 

 

Pas