-Jetë dhe Stil

Gazetarja e RAI: Isha lesbike, ndryshova sepse gjeta dashurinë e vërtetë


Bëhu pjesë e Grupit Zyrtar të Opinion.al
>> KËTU <<
               Publikuar në : 22:54 - 05/11/21 |
Opi Nion

Gazetarja italiane Nausica della Valle ka qenë e ftuar këtë mbrëmje në emisionin “Zonë e lirë” ku ka treguar historinë e saj dhe kalimin nga preferencat lezbike në jetën e një heteroseksualeje.

“I bëja pyetje vetes dhe pyesja përse kisha tërheqje nga i njëjti seks. Nuk kisha një raport të mirë me prindërit e mi, kështu që nuk kishte dialog dhe këto pyetje unë i bëja jashtë, tjetërkund. Të gjithë më thonin se kisha lindur kështu, sepse dashuria nuk ka gjini dhe Zoti më kishte krijuar kështu”, tregoi della Valle.

Ndër të tjera ajo ka pohuar se ka qenë pikërisht marrëdhënia me besimin dhe zbulimi i Zotit që e bëri të ndjekë një rrugë të ndryshme nga ajo që kishte patur në fillim.

“Nuk jam fshehur kurrë. Duke qenë se punoja në televizion Mediaset dhe Rai si gazetare, unë e kisha deklaruar se isha lezbike dhe më duhet të them se nuk kam pasur kurrë kundërshti, apo probleme homofobie, përkundrazi ishte gjithçka shumë e hapur. Kur ndryshova sepse gjeta dashurinë e vërtetë, ajo më që ndodhi duke njohur realisht Jezusin, dashuria, paqja, qetësia që ndjeva në zemër, asnjë qenie njerëzore nuk ma kishte dhënë më parë. Unë u rrita me një mungesë dashurie. Prindërit e mi nuk më kishin përqafuar kurrë. Ndjeva një përqafim, një dashuri të madhe. Një gjë që më ka pëlqyer shumë e që më preku, është që kur isha jashtë, në ambientet e gay-ve më flisnin keq për kishat. Më thonin që nuk i pranonin homoseksualët. Mrekullia që pashë ishe që kur hyra në kishë më përqafuam, më mirëpritën. U ndjeva në familje”, tha ajo, ndërsa ka sjellë në rrëfimin e saj edhe historitë e shumë miqve të cilët ndryshuan pas nisjes së raportit me besimin./Opinion.al

Pas