Rajoni

Kosova kryeson SEECP, Pacolli: Kush nxit urrejtje nuk do hyjë në Kosovë


               Publikuar në : 17:53 - 15/07/19 |
Al Do

Nisma rajonale e procesit të bashkëpunimit të Europës Juglindore (SEECP) do të kryesohet nga Kosova deri në korrikun e vitit të ardhshëm.

Ministri i Jashtëm i Kosovës, Behgjet Pacolli tha se Kosova do të përpiqet bëjë më të mirën e mundshme për të qenë shembull i bashkëpunimit në kryesimin e këtij procesi. Ai gjithashtu komentoi Samitin e Sarajevës duke thënë se Kosova nuk është trajtuar si shtetet e tjera dhe se kjo gjë mund të ishte shmangur.

“Në aktivitetin përfundimtar të SEECP në Bosnjë pozita e Kosovës nuk është respektuar dhe Kosova nuk është trajtuar si të gjitha shtetet tjera anëtare. Kjo mund të ishte shmangur me koordinim të shteteve.  Politika e BE-së për fqinjësi të mirë do prezantohet në mënyrën më të mirë të mundshme gjatë kryesimit tonë të kësaj strukture”, tha Pacolli.

Sa i përket ndalimit të zyrtarëve të Serbisë për të vizituar Kosovën, Pacolli tha se kjo nuk ka të bëjë me hakmarrje por është një qëndrim që shteti i Kosovës mban për të mbrojtur interesin e të gjithë qytetarëve pa dallim kombësie.

Pacolli foli edhe për ndalimet e fundit të zyrtarëve të Serbisë në Kosovë.

“Kosova do të jetë e mbyllur gjithnjë për dikë që ka tentativë të çakordojë marrëdhëniet ndëretnike dhe për ne paraqet një simbol të shenjtë që është e mbrojtur me të gjitha ligjet dhe Kushtetutën e Kosovës. Askush nuk ka të drejtë të vijë në Kosovë të nxitë urrejtje ndaj njerëzve”, shtoi Pacolli. /Opinion.al

Pas