Aktualitet

Kontrollorët kërkojnë lirimin nga burgu, apelojnë vendimin e Gjykatës


Bëhu pjesë e Grupit Zyrtar të Opinion.al
>> KËTU <<
               Publikuar në : 13:16 - 15/04/21 |
Opi Nion

Tre kontrollorët e arrestuar rreth një javë më parë, të akuzuar si organizator të protestës që solli edhe bllokimin e fluturimeve në aeroportin e Rinasit, kanë apeluar vendimin e Shkallës së Parë dhënë ndaj tyre.

Nëpërmjet avokatit të tyre mbrojtës, kontrollorët kanë depozituar ketë të mërkurë kërkesën për masë më të butë sigurie.

Kujtojmë se rreth një javë më parë gjykata e Tiranës ndaj kontrollorëve Armando Fezgën dhe Muhin Mezinin caktoi masën “arrest me burg”, ndërsa Flora Ndreca u la në “arrest shtëpie”.

Ndaj tyre ka ngritur akuzën e shpërdorimit të detyrës në bashkëpunim. Si provë kryesore ndaj tyre  prokuroria ka përgjimet telefonike.

Ndërkohë që sipas dosjes hetimore janë zbardhur të gjitha komunikimet që kontrollorët kanë kryer me njëri-tjetrin në  “Whatsapp”. Grupi i hetimit në bazë të bisedave ka arritur të provojë se Flora Ndreca, Armando Fezga dhe Muhin Mezini kanë ndikuar tek kontollorët që të plotësojnë formularin për paaftësi të përkohëshme në punë.

Në disa raste prokuroria thotë që të dyshuarit e kanë plotësuar formularin e paaftësisë edhe për kolegtë e tyre ndërsa me ata që kanë kundërshtuar kanë bërë detbate deri sa i kanë bindur për të firmosur./Opinion.al

Pas