Aktualitet

Meta:Persona me rekorde kriminale janë pajisur me dokumente false në Korçë


Bëhu pjesë e Grupit Zyrtar të Opinion.al
>> KËTU <<
               Publikuar në : 14:23 - 15/04/21 |
Opi Nion

Presidenti Ilir Meta ka dalë në një konferencë për mediat këtë të enjte disa ditë para zgjedhjeve të 25 prilit.

Meta denoncoi se në disa bashki të qarkut të Korçës është vjedhur identiteti i njerëzve të thjeshtë, nga persona me rekorde kriminale.

“Në Qarkun e Korçës, në disa bashki të banuara kryesisht nga minoritarë, disa shtetas me rekorde kriminale, të shpallur në kërkim ndërkombëtar, janë pajisur me pasaporta dhe dokumente identifikimi, duke përdorur të dhënat e personave që nuk kanë probleme me ligjin. Pra, shtetas të huaj apo dhe shqiptarë janë pajisur me dokumente të lëshuara nga gjendja civile shqiptare, duke vjedhur identitetin e shtetasve maqedonas. Këta shtetas kanë marrë dokumente edhe në Maqedoninë e Veriut”, tha Meta.

“Çështja është bërë objekt debati publik në Maqedoninë e Veriut. Disa prej personave të identifikuar si pjesë e këtij rrjeti, janë pajisur me dokumente identifikimi shqiptarë në Korçë dhe Pustec. Në Maqedoninë e Veriut janë arrestuar disa zyrtarë shtetërorë. Vjedhja e identitetit mund të jetë shfrytëzuar në Shqipëri edhe për të votuar disa herë dhe në emër të emigrantëve që nuk mund të vijnë në atdhe për të ushtruar të drejtën e votës. U bëj thirrje të gjithë zyrtarëve shtetërore që të kenë kujdes, të mos përdorin në qendra votimi të vjedhura apo të përdorin dokumente të shtetasve të tjerë”, tha Meta.

Më tej, Meta theksoi se i ka kërkuar prokurorisë dhe KQZ-së që të nisin hetimet për këtë veprimtari kriminale.

“Sot i kam kërkuar prokurorisë dhe KQZ-së që të nisin hetimet për këtë veprimtari kriminale dhe për të ruajtur integritetin e procesit zgjedhor. Çdo funksionar publik të denoncojë çdo rast. Kush falsifikon dhe tenton të prekë votën, do ta ketë vendin në burg”, shtoi Presidenti./Opinion.al

Pas