Bota

Kompania ajrore/150 mijë euro mbulim për të prekurit nga Covid në udhëtim


Bëhu pjesë e Grupit Zyrtar të Opinion.al
>> KËTU <<
               Publikuar në : 10:48 - 06/02/21 |
el ida

Pasagjerët që përdorin fluturimet ndërkombëtare  të “Japan Airlines” do të kenë të mbuluara të gjitha shpenzimet e karantinës dhe të mjekimit në rast se infektohen gjatë udhëtimit jashtë vendit.

Kështu ka bërë të ditur kompania ajrore duke shpjeguar se kjo ofertë do të jetë e vlefshme me blerjen e biletës, të paktën deri në qershor të vitit 2021 dhe do të përfshijë udhëtarët që infektohen jashtë kufijve të vendit brenda 31 ditësh nga data e fluturimit të tyre të parë.

Shërbimi që është quajtur “JAL Covid-19 Cover” është frut i një bashkëpunimi  me një grup siguracioni gjerman, duke parashikuar rimbursim deri në  150 mijë euro për shërbimet mjekësore dhe deri në 100 euro në ditë për akomodimin gjatë karantinës, për një periudhë 14 ditore.

Për momentin ky shërbim do t’ju jepet vetëm personave që udhëtojnë për punë , por mund të përfshijë edhe turistët nëse do të ketë një lehtësim të masave në vazhdim. Kushte të ngjashme janë ofruar  edhe nga “Emirates” si dhe “Virgin Atlantic”. /Opinion.al

Pas