Kryesore

Vrasja e Shkëlzen Kastratit, shpallen në kërkim 4 persona


Bëhu pjesë e Grupit Zyrtar të Opinion.al
>> KËTU <<
               Publikuar në : 11:26 - 06/02/21 |
el ida

Katër persona janë shpallur në kërkim nga Policia për vrasjen e Shkëlzen Kastratit pak ditë më parë në Urën e Sheqit në Fier.

Policia e Fierit në bashkëpunim me Drejtorinë e Përgjithshme të Policisë ka shpallur në kërkim  3 personat që mendohet se kanë qenë në makinën “Range Rover” që u gjet djegur si dhe një tjetër person, që dyshohet se i ka pritur autorët në një automjet Audi dhe i ka ndihmuar të largohen.

Shkëlzen Kastrati, 42-vjeç,  u vra me dy plumba paraditen e 1 Shkurtit në fshatin Sheq të Fierit.

Pas ngjarjes autori i vrasjes është larguar nga vendi me një makinë tip “Range Rover”. Automjeti është gjendur i djegur në Mbrostar, afër vendit ku do të ndërtohet dhe spitali i ri i Fierit, ndërsa brenda tij policia ka gjetur një arme automatik, me të cilën thuhet se është qëlluar ndaj tij.

Makina Range Rover që u gjet e djegur pas atentatit rezulton e vjedhur pak muaj më parë në Greqi. Policia ende nuk ka zbuluar mënyrën se si automjeti është futur në territorin shqiptar.

Ndërkohë, policia e Fierit ka sekuestruar në Kamëz një automjet tip “Audi” me të cilin dyshohet se autorët janë larguar pasi dogjën Range Roverin. Uniformat blu kanë arritur ta identifikojnë automjetin nga kamerat e sigurisë përgjatë zonës në Fier.

 

Pas