Bota

Klitçko nuk përjashton “blackout” total, thirrje banorëve: Merrni masa ose largohuni



Bëhu pjesë e Grupit Zyrtar të Opinion.al
>> KËTU <<
               Publikuar në : 11:10 - 06/11/22 |
Opi Nion

Kryetari i bashkisë së Kievit, Vitali Klitçko, nuk përjashton mundësinë e një ndërprerjeje totale të energjisë në kryeqytetin ukrainas dhe fton banorët të rezervojnë ushqime ose të largohen përkohësisht nga qyteti për shkak të mungesës së energjisë elektrike, ngrohjes, ujit dhe komunikimit.

Lajmi bëhet i ditur nga Ukrainska Pravda.

“Ne po bëjmë gjithçka që mundemi për të parandaluar që kjo të  ndodhë,” tha Klitçko gjatë një konference.

“Por le të jemi të sinqertë: Armiqtë tanë po bëjnë gjithçka për ta bërë qytetin pa ngrohje, pa energji elektrike, pa ujë. Në përgjithësi (ata duan që ne) të vdesim të gjithë. Dhe sa të përgatitur do të jemi për situata të ndryshme varet nga e ardhmja e vendit tonë dhe e ardhmja e secilit prej nesh… Nuk e përjashtojmë. Ne ngremë skenarë të ndryshëm për të rezistuar, për t’u përgatitur”, shtoi ai.

Kryebashkiaku më pas u kërkoi banorëve të mbanin furnizime me ujë të pijshëm dhe ushqim në shtëpi, si dhe bateri të karikuara dhe kujtoi se janë planifikuar të instalohen një mijë vende ngrohjeje në kryeqytet, por vuri në dukje se ato mund të mos jenë të mjaftueshme për një qytet me tre milionë banorë.

“Kjo nuk mjafton, tha ai. Prandaj u drejtohem edhe njerëzve: në rast të një skenari negativ, nëse nuk kemi energji elektrike dhe ujë, nëse keni të afërm ose të njohur në periferi të Kievit, ku ka rrjet ujësjellësi dhe ngrohje të ndare, ju lutem merrni masa per te qendruar aty përkohësisht”./Opinion.al

Pas